Respublika ta’lim markazi umumiy o‘rta ta’limning davlat ta’lim standarti va o‘quv dasturi

43-44-mavzu. Xayriddin Saloh. “Yulduzlar afsonasi” asari. (2 soat, A2+: 4 soat)
Xayriddin Salohning hayoti va ijodi haqida qisqacha ma’lumot. “Yulduzlar afsonasi” asarining o‘zbek xalq afsonalari ruhida yaratilganligi. Asarda tilga olingan samoviy jismlarning inson hayoti va xayolot olami bilan bog‘liqligi. Hulkar va Yetti qaroqchi obrazlari. Yerdagi odamlar o‘rtasidagi ziddiyatlar, kurashlar va kelishmovchiliklarning asardagi ramziy tasviri. Asarda tasvirlangan voqealarning aniq va ta’sirchan ifodalanganligi. Asarning badiiy xususiyatlari.
Nazariy ma’lumot. Ballada.
45-48-mavzu. E. S. Tompson. “Yovvoyi yo‘rg‘a” hikoyasi. (4 soat, A2+: 5 soat)
Adib hayoti va ijodi haqida qisqacha ma’lumot. Uning qalamiga mansub “Yovvoyi yo‘rg‘a” asarining ko‘plab tillarga tarjima etilgani va katta shuhrat qozongani. Asarda erkinlik, hurlik tuyg‘usining ulug‘lanishi. Ozodlikning o‘limdan kuchli ekanligi tasviri.


O‘quvchilarda shakllangan fanga oid kompetensiya elementlari:


Adabiy-nutqiy kompetensiyalar (tinglab tushunish, fikrni og‘zaki bayon qilish, o‘qish, fikrni yozma bayon qilish):
A2
o‘rganilgan asarlar asosida yaratilgan audiomatn va videotasvirlarni tinglab, ko‘rib, tushuna oladi;
nasriy va she’riy asarlarni ifodali o‘qiy oladi;
ularning mazmun-mohiyatini tushuna oladi;
asar qahramonlariga tavsif, insho (4-5 sahifa) yoza oladi;
turli janr va hajmdagi 5-6 ta she’riy matn yoki uning parchasini yoddan ifodali ayta oladi.
A2+
maktab kutubxonasidan mustaqil foydalana oladi, tanlab mutolaa qilgan asardagi voqea-hodisalar, obrazlar tizimiga munosabat bildira oladi.


Badiiy asarni tahlil qilish kompetensiyasi:
A2
o‘rganilgan asarlarni o‘qituvchi yordamida tahlil qila oladi;
asarda tasvirlangan voqea-hodisalar, qahramonlarning fazilat va nuqsonlariga munosabat bildira oladi.
A2+
xalq og‘zaki ijodi, mumtoz, zamonaviy va jahon adabiyotiga oid asar va uning qahramonlariga yozma hamda og‘zaki tavsif bera oladi;
G‘arb va sharqning mashhur notiqlari, notiqlikning jamiyatdagi o‘rni va ahamiyatini izohlab bera oladi.