Respublika ta’lim markazi umumiy o‘rta ta’limning davlat ta’lim standarti va o‘quv dasturi

Nazorat ishi. Insho va uning tahlili. (2 soat, A2+: 3 soat)
Nazorat ishi: Test topshiriqlari asosida. (1 soat)
Takrorlash: (1 soat)
Sinfdan tashqari o‘qilgan asarlar muhokamasi: (1 soat, A2+: 2)


25-26-mavzu. Said Ahmad. “Qoplon”, “Sobiq” hikoyalari. (2 soat)
Adibning hayoti va ijodi haqida qisqacha annotatsia.
“Qoplon” hikoyasida laganbardor va manfaatparast kimsa tabiatiga xos illatlarning tasvirlanishi. Qurbonboy va qoplon obrazlarini taqqoslab baholash zarurligi. “Sobiq” hikoyasida ishlab chiqarishni mafkuraga moslashtirgan sho‘ro tuzumi tartibotining muayyan shaxs taqdirida namoyon bo‘lishi. Hikoyalarning til xususiyatlari, muallif nuqtayi nazarining yashirin ifodalanishi.
27-mavzu. Musa Jalil. “Ishonma” she’ri. (1 soat, A2+: 2)
Musa Jalil hayoti va ijodi haqida qisqacha ma’lumot.
Shoirning Ikkinchi jahon urushi yillarida asirlikka tushishi va Maobit qamoqxonasida qatl etilishi. “Maobit daftari” she’rlar turkumining yaratilish tarixi. “Ishonma” she’rining g‘oyaviy mazmuni. Asir shoir qalbidagi shubha va gumonlarning she’rda o‘z ifodasini topishi. O‘z Vatanini sevgan inson iroda kuchining she’rda badiiy mujassamlanganligi.
O‘quvchilar sinfda va mustaqil o‘qishlari, yod olishlari lozim bo‘lgan asarlar:
Abdulla Qahhor. Hikoyalar.
Odil Yoqubov. Hikoyalar.
Erkin Vohidov. “O‘zbegim” qasidasi.
O‘tkir Hoshimov. Hikoyalar.
Said Ahmad. Hikoyalar.
Musa Jalil. She’rlar.

3. 
   So‘zda hikmat bor
   

(10 soat, A2+:9 soat )


28-mavzu. Xalq qo‘shiqlari. (1 soat, A2+: 2 soat)
Qo‘shiq xalq og‘zaki ijodining keng tarqalgan janrlaridan biri sifatida. Ularning turlari. Lirik qo‘shiqlarda inson his-tuyg‘ularining ifodalanishi. Mavsum qo‘shiqlarida xalqimiz e’tiqodiy qarashlarining, shuningdek, bolalarning yil fasllariga bo‘lgan munosabatlarining kuylanishi (“Boychechak” va boshqalar).
Nazariy ma’lumot. Xalq qo‘shiqlari.