Respublika ta’lim markazi umumiy o‘rta ta’limning davlat ta’lim standarti va o‘quv dasturi

A1+


Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:
A1
ehtiyoji uchun kerak bo‘lgan narsalardan (o‘quv qurollari, kiyim-kechagi va h.k.) tejab foydalanish;
kun tartibiga amal qilish.
A1+
tejamkorlikka rioya qilish;
kun tartibiga amal qilgan holda kundalik ish rejasini tuza olish.


1-2-mavzu. Maktabimiz. (2 soat, A1+:4 soat)
Lug‘at: maktabimiz, bino, o‘quvchi, o‘qituvchi, sinf xonalari, kompyuter xonasi, kutubxona, ustaxona, sport zali, devor, yo‘lak, hovli, bog‘, darvoza kabi tayanch so‘zlar va keldik, o‘qiymiz, yozamiz, o‘ynaymiz, ovqatlanamiz kabi faoliyatni bildiruvchi so‘zlar; qavatli, shinam, keng, yorug‘, eng, juda, ko‘p kabi belgi bildiruvchi so‘zlar, taklif-istakni ifodalovchi xush kelibsiz so‘zi.
Nutq namunalari: Bu maktab binosi. Men shu maktabda o‘qiyman. Maktabimiz to‘rt qavatli. Yo‘laklari keng va yorug‘. Maktabimizda sinfxonalar ko‘p. Biz maktabda o‘qish va yozishni o‘rganamiz.
O‘quvchilarda shakllantiriladigan fanga oid kompetensiyalar
Tinglab tushunish va so‘zlash: mavzuga oid so‘zlarni, berilgan savollarni tinglab tushunish va ularga javob bera olish.
Talaffuz qilish, o‘qish va yozish: mavzuga oid tayanch so‘zlar va jumlalarni to‘g‘ri talaffuz qila olish, ularni nutqda belgi va faoliyat bildiruvchi so‘zlar bilan qo‘llab, sodda yig‘iq gaplar tuza olish.


3-4-mavzu. Sinfimiz. (2 soat, A1+: 3 soat)
Lug‘at: sinf, qatorlar, kitob javoni, yozuv taxtasi, o‘qituvchi stoli, suratlar, sinf burchagi, devorda, kitob javonida, qo‘ng‘iroq, dars, mashq kabi tayanch so‘zlar; yonida, ichida, ustida, oldida, o‘rtada, o‘ng tomonda, chap tomonda kabi ko‘makchi so‘zlar; chalindi, boshlandi, kiring, o‘tiring, tinglang, o‘qing, yozing, diqqat bilan, tartib bilan kabi faoliyatni bildiruvchi so‘zlar (1 soat), o‘rin-joyni ko‘rsatuvchi -da qo‘shimchasi (1 soat).