Respublika ta’lim markazi umumiy o‘rta ta’limning davlat ta’lim standarti va o‘quv dasturi

O‘quvchilarda shakllantiriladigan fanga oid kompetensiyalar
Tinglab tushunish va so‘zlash: mavzuga oid tayanch so‘zlar va so‘z birikmalarini, nutq namunalarini tushuna oladi, nechta? qancha? so‘roqlariga javob bera olish, rasmlar asosida suhbatlasha olish.
Talaffuz qilish, o‘qish va yozish: mavzuga oid tayanch so‘zlarni, nechta? qancha? so‘roqlarini to‘g‘ri talaffuz qila olish va yoza olish.


50-52-mavzu. Hafta kunlari. (3 soat, A1+: 4 soat )
Lug‘at: oy, hafta, kun, dushanba, seshanba, chorshanba, payshanba, juma, shanba, yakshanba, kecha, bugun, erta, ertaga, indin, ish kuni, dam olish kuni; to‘rt, yetti, birinchi, ikkinchi, uchinchi, to‘rtinchi, beshinchi, oltinchi, yettinchi, kecha, bugun, ertaga kabi tayanch so‘zlar (2 soat);
nechanchi? qaysi? so‘roqlari (1 soat)
Nutq namunalari: bir oy, bir hafta yetti kun, yakshanba dam olish kuni; Bir oy necha hafta? Bir haftada necha kun bor? Bir haftada yetti kun bor. Bugun haftaning qaysi kuni? Dushanba haftaning nechanchi kuni? Dushanba haftaning birinchi kuni.
O‘quvchilarda shakllantiriladigan fanga oid kompetensiyalar
Tinglab tushunish va so‘zlash: mavzuga oid tayanch so‘zlar va so‘z birikmalarini, nutq namunalarini tushuna olish, nechanchi? qaysi? so‘roqlariga javob bera olish, rasmlar asosida suhbatlasha olish.
Talaffuz qilish, o‘qish va yozish: mavzuga oid tayanch so‘zlarni, nechanchi? qaysi? so‘roqlarini to‘g‘ri talaffuz qila olish va yoza olish.


Nazorat ishi: diktant. (1 soat)
Xatolar ustida ishlash. (1 soat)


53-55-mavzu. Oziq-ovqatlar (3 soat, A1+: 4 soat)
Lug‘at: non, choy, sut, shakar, qand, pishloq, sariyog‘, asal, osh, palov, sho‘rva kabi tayanch so‘zlar (1 soat); ichyapti/ichmayapti, yeyapti/yemayapti, uzatib yuboring, ushating kabi faoliyatni bildiruvchi so‘zlar; shirin, mazali, eng, juda kabi belgi-xususiyat bildiruvchi so‘zlar (1 soat) va iltimos, rahmat, marhamat kabi taklif-istakni ifodalovchi so‘z va jumlalar (1 soat).