Respublika ta’lim markazi umumiy o‘rta ta’limning davlat ta’lim standarti va o‘quv dasturi

Lug‘at: poliz, piyoz, bodring, karam, sabzavot, o‘smoq, yordam bermoq, hosil, mevalar, dehqonlar, ko‘p, qutilar, ombor kabi tayanch so‘zlar (1 soat); saqlanadi, yetkaziladi, uziladi, yetiladi, yig‘ib olinadi kabi harakat-faoliyatni bildiruvchi so‘zlar (2soat).
Nutq namunalari: Polizda nimalar o‘sadi? Polizda karam, kartoshka, sabzi, piyoz va boshqa sabzavotlar o‘sadi. Polizda qanday sabzavotlar yetiladi? Nima uchun sabzavotlarni kuzda yig‘ib olinadi?
O‘quvchilarda shakllantiriladigan fanga oid kompetensiyalar
Tinglab tushunish va so‘zlash: mavzuga oid so‘zlar, berilgan savollarni tushunib, javob bera olish, “Polizda” rasmi asosida suhbatlasha olish.
Talaffuz qilish, o‘qish va yozish: mavzuga oid tayanch so‘zlar va jumlalarni to‘g‘ri talaffuz qila olish, ularni nutqda belgi va faoliyat bildiruvchi so‘zlar bilan qo‘llab, sodda yig‘iq gaplar tuza olish.


17-19-mavzu. Mevalar. (3 soat, A1+ 4 soat)
Lug‘at: mevalar, mevali daraxtlar, anor, o‘rik, nok, uzum, olcha, gilos, behi, anjir, bog‘lar, uzumzor, olmazor, savat kabi tayanch so‘zlar; o‘sadi, pishadi, terib olinadi, yuboriladi kabi harakat-faoliyatni bildiruvchi so‘zlar, shirin, nordon, har xil, qirmizi, to‘q qizil, suvli, suvsiz kabi belgi bildiruvchi so‘zlar (2 soat), hamma, barcha olmoshlari (1 soat).
Nutq namunalari: Bu qanday bog‘? Bu olmazor. Bu bog‘da turli xil olmalar o‘sadi. Bu qanday anor? Bu shirin anor. Ana u nokmi? Yo‘q, bu behi.
O‘quvchilarda shakllantiriladigan fanga oid kompetensiyalar
Tinglab tushunish va so‘zlash: mavzuga oid so‘zlar, berilgan savollarni tushunib, javob bera olish, “Mevalar” rasmi asosida suhbatlasha olish.
Talaffuz qilish, o‘qish va yozish: mavzuga oid tayanch so‘zlar va jumlalarni hamma, barcha olmoshlarini to‘g‘ri talaffuz qila olish, ularni nutqda belgi va faoliyat bildiruvchi so‘zlar bilan qo‘llab, sodda yig‘iq gaplar tuza olish.
10-12 ta so‘zdan iborat lug‘at diktanti, o‘zlashtirilgan mavzular bo‘yicha 16-24 ta so‘zdan iborat diktantni yoza olish.