Республика болалар ижтимоий мослашуви маркази

“Кимсасиз орол”

Мақсад: Ташкиллаштириш ва бошқарув муносабатлари ҳақида ахбаротга эга бўлиш ҳамда гуруҳни уютириш.
Ҳар бир иштирокчига 15 дақиқа ичида кўрсатмага биноан вазифани бажариш юклатилади. Уларнинг асосий вазифаси мавжуд имкониятлардан фойдаланиб, иложи борича тезроқ кимсасиз оролни тарк этишни ҳал қилишдир. Сўнгра уларга 20 дақиқа ичида ўзаро фикр алмашиш, ўзаро мақбул хулосага келишлари учун вақт берилади. Улар муваффақиятга эришишлар учун бошқарувнинг ягона усулига якдил келишлари керак. Сарфланадиган вақт: 45 дақиқа.

“Доира ичига кир”

Мақсад: гуруҳий уюшганликни қувватлаш. Ҳар бир иштирокчилар галма-гал ёпиқ доирага кириш учун ҳаракат қиладилар. Сарфланадиган вақт: 15 дақиқа.

“Ғаройиб саломлашиш”

Мақсад: беғараз, дўстона муносабатларга эришиш.
Иштирокчилар ўзлари ўйлаб топган саломлашиш усулларига асосланиб кўришадилар. Сарфланадиган вақт: 10 дақиқа.

“Ишончли, ишончсиз ва тажовузкор жавоблар”

Мақсад: турли вазиятларга нисбатан тўғри реакцияни шакллантириш. Гуруҳнинг ҳар бир аъзоси қайд этилган вазиятларга ишончли, ишончсиз ва тажовузкор жавоб турларининг қай бири тўғри келишини кўрсатиши лозим.

1. 
   Дўстингиз сиз билан суҳбатлашмоқда, лекин сиз кетишингиз керак.
   
2. 
   Ўртоғингиз сизни огоҳлантирмасдан бегона кишини олиб келди.
   
3. 
   Кинотеатрда сизнинг орқангизда ўтирган одамлар баланд овозда гапириб, кино кўришингизга имкон бермаяптилар.
   
4. 
   Ўқитувчингизнинг фикрича, сизнинг кийинишингиз ва соч турмагингиз ўқувчининг ташқи кўринишига хос эмас.
   

Вазиятни жуфт-жуфт қилиб таҳлил қилиш мумкин. Сарфланадиган вақт: 15 дақиқа.

“Нима? Ким? Қаерда? Қачон? рефлексив муолажаси”

Мақсад: яқин келажак режаларини аниқлашга ва “ҳаётий дастур”ни тузишга ўргатиш.
Психолог ҳар бир иштирокчига яқин орада эришиши мумкин бўлган орзу-умидларини кўриб чиқишни ва уларнинг аҳамиятлилик даражасига кўра жойлаштиришлари кераклигини тушунтиради. Ўз эҳтиёжларини қондиришга асосланган муваффақият дастурини тузиш қуйидаги қоидаларга асосланади:

• 
  “менда нима бўлади”, “мен нимани хохлайман”, “мен мағлубиятни қандай ҳис қиламан” ва ҳоказолар каби муваффақият калитини тузиш;
  
• 
  ҳар ким ўзи бажара оладиганини режалаштириш;
  
• 
  қўлга киритилган натижаларни сенсор тизимда: ҳис этиш, сезиш, товуш, кайфият ва ҳоказоларда тасвирлаш;
  
• 
  тасаввур қилинг, қўлга киритилган натижалар қачон ва қай тарзда керак бўлади?
  
• 
  ўйлаб кўриш, кутилган натижаларнинг оқибати нима билан тугаши мумкин? Гуруҳда натижаларни муҳокама қилиш. Сарфланадиган вақт: 60 дақиқа.