Республика болалар ижтимоий мослашуви маркази

“Диққат марказида”

Мақсад: ўз эмоционал ҳолатини назорат қилишга ўргатишни шакллантириш.
Иштирокчилардан бири доира ўртасида , қолган қатнашчилар эса уни нимадандир айблаб, койийдилар. Иштирокчи ўзининг эмоционал ҳолатини назорат қила билиши зарур. Машғулот давомида ҳар бир иштирокчи “диққат марказида” бўлиши керак. Ўз ҳис-туйғулари ва уларнинг ифодаланиш даражасини қайд этиб борадилар. Сарфланадиган вақт: 30 дақиқа.

ЧАРЧОҚНИ ЁЗУВЧИ ЎЙИНЛАР

Бу ўйинлар иш жараёнида болаларни қўллаб-қувватлаш учун керак бўлади. Бундай ўйинлар болалар чарчаган вақтларида фаоллаштириш, "қиздириш", уларда ҳаяжонли кайфият ҳосил қилиш, безовталикдан халос қилиш учун ўтказилади. Одатда, бу машқлар жуда кўп фаол ҳаракатларни ўзида мужассамлаштиради: сакрашлар, бош, қўл ҳаракати ва бошқалар. Бу машқларда етакчи аниқ ҳаракат кўрсатади ёки алоҳида сўзлар айтади. Болаларнинг вазифаси –бошловчининг ҳаракатларини қайтариш керак.

“Бўш стул” (15 дақиқа)

Болалар биринчи ва иккинчи рақамларга бўлинадилар. “Бир” рақамли иштирокчилар даврада ўтирадилар, “икки” рақамли иштирокчилар уларнинг стулини орқасида турадилар. Битта стул бўш қолиши керак. Стул орқасида турган иштирокчининг вазифаси кимга бўлса ҳам қараши билан ўзининг стулига ўтиришга таклиф қилиш. Уни сезган бошқа иштирокчи чопиб бўш стулга ўтириб олиши керак. Унинг ёнидаги ҳамроҳининг вазифаси уни ушлаб қолиш.

“Бўрон” (10 дақиқа)

Болалар давра қуриб ўтирадилар, бошловчи давра марказига чиқади ва жой алмашишларини илтимос қилади (ким алоҳида белгига эга бўлса - оқ кўйлак, бўйи баландлар, қора кўзлар ва ҳ.к.). Агар, иштирокчи айтилган белгига эга бўлса, жойини алмаштириши ёки бошловчи бўлиши керак. Бошловчи фақат билган белгисини айтади. Иштирокчилар жойларини алмаштирганларида, у кимнингдир жойига ўтириши мумкин. Стулсиз қолган иштирокчи бошловчи бўлади. Агар иштирокчи даврада узоқ вакт ўтира олмаса, у "Бўрон" - деб, айтиши мумкин, ўшанда даврада ўтирганлар жойларини алмаштирадилар.