Республика болалар ижтимоий мослашуви маркази

“Танишлар давраси” (10 дақиқа)

Мақсад: Болаларни жипслаштириш ва ўзларини эркин ҳис қилиш кўникмаларини шакллантириш.
Материллар: Талаб қилинмайди.
Болалар давра қуриб туришади. Болалардан биттаси давранинг марказига қараб бир қадам олдинга чиқади ва исмини айтади. Қандай ҳаракат ёки қилиқларга одатланганини кўрсатиб, жойига туради. Ҳамма болалар унинг ҳаракатларини аниқ кўрсатишлари керак. Шундай қилиб, ҳар бир бола ўзининг ҳаракати ва қилиқларини кўрсатади.

“Бўйма-бўй туринг" (15 дақиқа)

Мақсад: болалар ўртасидаги масофани йўқотиш ва уларни эркин ҳис қилдириш.
Материаллар: талаб қилинмайди. Болалар зич ҳолда давра қурадилар ва кўзларини юмадилар. Уларнинг вазифаси кўзларини юмган ҳолда бўйма-бўй туриш. Ҳамма болалар ўзларининг жойларини топганларидан кейин, кўзларини очиб нима бўлганини кўришга команда берилади. Машқдан кейин бу вазифани бажариш қандай кечганлиги сўралади. (болалар ўзларини қандай ҳис қилдилар).
Изоҳ: Бу ўйин бир нечта вариантларга эга (кўз очиқ ҳолда, соч рангларига, қўлларнинг иссиқлигига ва ҳ.к. қараб туриш мумкин).

“Адашиш” (15 дақиқа)

Мақсад: гуруҳ кайфияти, бирдамлигини ошириш ва болаларни жипслаштириш.
Материаллар: талаб қилинмайди.
Болалар давра қуриб турадилар, давранинг марказига қараб ўнг қўлларини чўзадилар. Бошловчининг сигналига биноан ҳар бир ўйинчи "қўл қисишига" қараб ўзига шерик танлайди. Ўйинчилар сони жуфт бўлиши керак. Кейин ўйинчилар чап қўлларини чўзадилар ва худди шундай "қўл қисишига" қараб шерик танлайдилар. Кейин иштирокчилар адашиш учун яна давра қурадилар.
“Рангли кафтлар” Мақсад: гуруҳда ҳиссий қулайликни яратиш.
Тренер 3-хил (қизил сариқ ва кўк) “рангли кафт”лардан бирини иштирокчиларга кўрсатганда, уларнинг ҳар бирига мос кўришиш (саломлашиш) ҳаракатлари билан жавоб қайтаришлари керак. Масалан қизил кафт - қўлни сиқиб, сариқ кафт - орқага қоқиб, кўк кафт - елкани силаб. Иштирокчилар кўрсатмага биноан иложи борича кўпчилик билан кўришишга эришишлари керак. Сарфланадиган вақт: 20 дақиқа.