Republic of uzbekistan

Millatlararo totuvlik g‘oyasi
Millatlararo totuvlik g‘oyasi cayyoramizda yashayotgan 1600 dan ziyod etnik guruhlarning teng huquqlilik, o‘zaro hurmat va hamkorlik asosida tinch-totuv yashash g‘oyasidir. Millatlararo totuvlik g‘oyasi millatparvarlik g‘oyasidir. U barcha millat va elatlarni tili, urf-odati, an’analari, bayramlari rivojlanishini talab etadi. Millatchilik, fashizm, milliy va etnik ko‘rinishdagi urushlarga qarshi turadigan yagona ma’rifiy g‘oyadir.

Ayniqsa, bugun neofashizm bosh ko‘tarayotgan svilizatsiyalararo to‘qnashuvlar sodir bo‘layotgan sharoitda millatlararo totuvlik g‘oyasi dolzarb ahamiyat kasb etadi. O‘zbekistonda millatlararo totuvlik g‘oyasi O‘zbekiston Respublikasining Konstitutsiyasi va qonunlariga singdirilgan. Jumladan, bosh qomusimizning 8-moddasida «O‘zbekiston xalqini, millatidan qat’i nazar O‘zbekiston Respublikasining fuqarolari tashkil etadi», degan muhim qoida belgilanb qo‘yilgan.

Bugun O‘zbekistonda 138 ta milliy madaniy markazlar (CHingiz Aytmatov iborasi bilan aytganda kichik BMTlar) millatlararo totuvlik g‘oyasini hayotga tatbiq etmoqda. O‘zbekiston – ko‘p millatli davlat. Uni mustahkamlaydigan kuch, shak-shubhasiz, millatlararo totuvlikdir.

Ruslarning «Maslennitsa», tatarlarining «Sabanto‘y», uyg‘urlarning «Sayil» bayramlari, xitoylarning «CHunuze» yangi yili, koreyslarning «Soller» va «Ovol – tano» bayramlari nishonlanmoqda. Har yili respublikamiz miqyosida «Biz yagona oila farzandlarimiz», «Vatan yagonadir, Vatan bittadir», «O‘zbekiston umumiy uyimiz» shiori ostidagi festivallar o‘tkazilmoqda.