Реклама фаолиятини режалаштириш ва ташкил этиш

4. Реклама хизматининг ташкилий тузилиши

Реклама хизматининг ташкилий тузилиши кўпгина омилларга боғлиқ ва уларнинг асосийлари қуйидагилар:

1. Фирманинг ҳажми, заҳираларнинг мавжудлиги, ходимлар орасида меҳнат тақсимотига бўлган зарурият даражаси.

   
   

2. Фирма фаолият кўрсатаётган соҳа (ишлаб чиқариш, сотиш, хизмат кўрсатиш ва бошқалар).

   
   
3. 
   
   Хос бозорнинг алоҳида хусусиятлари ва ишлаб чиқарилаётган товар тавсифи.
   
4. 
   
   Фирманинг маркетинг ва маркетинг стратегияси комплексида рекламанинг ўрни ва аҳамияти.
   
5. 
   
   Фирма раҳбариятининг реклама фаолиятини амалга оширишга жалб этиши даражаси.
   

Бундан ташқари, реклама хизмати фирмадаги маркетинг хизматининг бир қисми ҳисобланишини унутмаслик керак. Шу муносабат билан унинг фирма ташкилотидаги ўрни фирманинг юқори раҳбарияти танлаган маркетинг хизматини ташкил этиш схемаси билан белгиланади.

Одатда маркетингни ташкил этиш схемаларининг қуйидаги турлари фарқланади: а) вазифалар схемаси; б) товар схемаси; в) ҳудудий схема; г) бозор (ёки сегментлар) схемаси.

Маркетинг хизматини ташкил этишда мўлжалдаги вазифаларини белгилаб олиш унинг таркибий бўлинмалари томонидан бир турдаги маркетинг ишларининг бажарилиши мезон қилиб олинади.

Маркетинг структурасини шакллантиришнинг бундай усули нисбатан бир турдаги товар ассортиментига эга бўлган унча катта бўлмаган фирмалар учун ўзини оқлаган.

Вазифалар тизимини ташкил этишнинг афзаллиги унинг соддалиги ва маркетинг хизмати бўлимлари ўртасидаги вазифалар тақсимотининг аниқлигидадир.

Айни пайтда, товар номенклатурасининг анча кенгайиши билан, бир турга мансуб бўлмай, ҳар хил товар ассортиментларига мансуб маҳсулотларни ишлаб чиқаришда маркетинг хизматини ташкил этиш учун товар мўлжалидан фойдаланиш мақсадга мувофиқ.

Бундай ёндашувда энг муҳим товар маркалари устидан бевосита товарлар сегменти бўйича бошқарувчига бўйсунувчи бошқарувчи бириктирилади.

Бошқа хизматлар раҳбарлари унга нисбатан маслаҳат ёки штаб ишларини бажарадилар. Баъзан бу фирмадаги ички номувофиқлик ва низоларга олиб келади.

Маркетинг хизматининг ҳудудий ва бозор мўлжаллари твар мўлжали билан деярли бир хил. Орадаги фарқ шундан иборатки, муайян жуғрофий бозорларнинг бошқарувчилари ва муайян сегментларни бошқарувчилар бевосита мол сотиш реклама хизмати бошқарувчисига бўйсунадилар. Реклама хизмати бошқарувчисининг роли унинг товарни ташкил қилишдаги роли билан айнан бир хил.

Юқорида айтилган фикрлардан реклама фаолиятини ташкил этишни молиялашнинг нечоғлик муҳим эканлиги маълум бўлади.

Қисқача хулоса.

1. «Ташкил этиш» деган бошқарув атамасининг икки асосий талқини мавжуд: 1) фирма режаларини амалга оширишга қаратилган вазифалар, жараёнлар ва турли туман структуралар йиғиндиси; 2) мақсадларга эришиш йўлида бирга самарали ишлаш имкониятини берадиган корхона тузилмасини яратиш жараёни

2. Реклама фаолиятини ташкил қилиш субъектларини қуйидаги асосий турларга бўлиш мумкин: реклама берувчилар; реклама агентликлари; оммавий ахборот воситалари; реклама фаолиятини таъминловчи ёрдамчи субъектлар

   
   

3. Режалаш жараёни бутун фирма иерархияси мантиқига бўйсундирилган.

   
   

4. Реклама стратегияси фирма маркетинг стратегиясининг таркибий қисми ҳисобланади. Уларнинг асосийлари: мўлжалдаги аудитория, реклама предмети, товар концепцияси, реклама коммуникациялари каналларини ишлаб чиқиш, реклама мурожаати.