Reja: Tog' jinslarini draglaynlar yordamida qazib olish

Draglaynning ishchi parametrlari.
Qazish joylarini pastdan cho'michlab qazib olishda -avvalo tepadan pastga qarab gorizontal qatlamlar bilan qirqib olinadi. Draglaynning siljish qadamining kattaligiga qarab, har qaysi qatlam cho'mich to'ladigan masofada qazib olinadi. Qazib olishning har bir bosqichi pog'ona qiyaligidan boshlanadi. Qatlamlar to'la balandlik bo'yicha qazib olinib bo'lganidan keyin, qazish joyida qolgan tog' jinslari qiya qatlamlar bilan qazib olinadi.
Yuqoridan cho'michlab qazib olish uchun draglayn cho'michining sig'imi 10m³
d
an kam bo'lmasligi kerak. Bunda, pog'ona balandligi (h) - qazish joyida ekskavator burilganida cho'michi bilan pog'onaga tegib ketmasligi uchun h = 0,8 H_r dan katta bo'lmasligi kerak. Ekskavator cho'michi toyib (inib) ketmasligi uchun qazish joyi tekisligining qiyalik burchagi 20-25° bo'ladi.
9.4. Rasm. Draglaynning ishlash sxemalari.
a, b, v - yon qiya zaboyda ishlash sxemasi; a - pog'ona yuqori qatlamida, b - pog'onaning oraliq qatlamida, v - pog'ona pastki qatlamida; g - pog'ona pastki qatlamida boshi berk (tupikli) zaboyda ishlash sxemasi.
Ba’zi bir draglaynlarning ish rejimi yarim avtomatlashtirilgan. Ekskavatorni boshqarish tizimiga elektron qurilma ulanadi va mashinist tomonidan cho'michlash amali bajarilganidan keyin operatsiyalarni boshqarish punktiga cho'michni ko'tarish, ekskavatorni bo'shatish joyiga burish, bo'shatish va burilib qazish joyiga qaytib kelish komandasini beradi va bu ishlar mashinist tomonidan nazorat qilib turiladi. Bu tizim ekskavator ishini maromlashtiradi, ekskavatsiyalash tsiklini kamaytirib, ekskavator unumdorligini oshishiga olib keladi. Tog' jinslarini mexanik kurakli ekskavatorlar bilan qazib olish.
Mexanik kurakli qazib-yuklovchi ekskavatorlar karyerlarda keng qo'llaniladi. Ular konstruktsiyalarining tuzilishi - uzluksiz ishlovchi qazib- yuklovchi mashinalar ishlay olmagan iqlim sharoitlarida ham ishlash imkonini beradi.