Режа: Таълим менежменти фанининг бошқа фанлар билан алоқаси. Таълим менежменти фaни тaдқиқoт мeтoдлaри. Таълим менежментида педагогик жараён тушунчаси

Гигиена - ўқув жараёнида ҳисобга олиш зарур бўлган таълим олувчилар ҳаётининг санитар-гигиеник шароитларини аниқлайди ва ўрганади.
Социология - мураккаб бир бутун тизим сифатида жамиятни ўрганиш билан шуғулланиб, таълим ва тарбия жараёнини оқилона ташкил этишни йўлга қўйиш учун педагогикага кўплаб далилий маълумотларни тақдим этади.
Халқ оғзаки ижоди ва этнография - турли халқларнинг урф-одатлари ва маросимлари, халқ анъаналарни ўрганиш билан шуғулланади. Ҳозирги вақтда халқ маданиятининг мазкур ёдгорликларининг педагогик моҳиятини ўрганадиган педагогиканинг муҳим соҳаси – халқ педагогикаси мавжуд.
Биологик фанлар таълим менежменти фaнининг - табиий-илмий заҳираси сифатида қаралади. Масалан, таълим менежменти фaни фани шахснинг нерв-психик ривожи, фаолиятининг рефлектор табиати ва бошқа масалалар бўйича Абу Али ибн Сино, И. М. Сеченов ва И. П. Павловларнинг фундаментал тадқиқотларига таянади.
Кибернетика - таълим менежменти фaнида дастурлашган таълимни яратишга имкон беради.
Методика - таълим менежменти фaни билан мустаҳкам алоқадорликда ривожланади. Методиканинг муҳим вазифаси – алоҳида фанларни ўрганиш шакл ва методлари мазмунинии ишлаб чиқиш, энг яхши ўқитувчиларнинг илғор педагогик тажрибаларини кенг тарғиб этиш.
Таълим менежменти фaни тaдқиқoт мeтoдлaри.
Таълим менежменти фанининг ривожи ҳам муайян педагогик муаммоларни тадқиқ этиш мақсадида олиб борилган тадқиқот ишларининг ғояси, мазмуни ҳамда натижалари ҳисобига таъминланади. Ижтимоий ва ишлаб чиқариш жараёнининг кескин ривожланиши шахсни ҳар томонлама камол топтириш имконини берувчи омил ҳамда педагогик шарт-шароитларни аниқлаш, жамият ва шахс маънавиятига зиён етказувчи ҳолатларни бартараф этишни тақозо қилади. Тарбия жараёнларининг моҳиятини англаш уларни кенг ёки тор доирада ўрганиш, мавжуд кўрсаткичлар воситасида уларнинг содир бўлиш сабабларини ўрганиш, зарур чора-тадбирларни белгилаш илмий изланишларни ташкил этиш заруриятини юзага келтиради. Педагогик изланишларнинг самарали кечиши бир қатор объектив ва субъектив омилларга боғлиқ. Мазкур жараёнда мақсадга мувофиқ келувчи мақбул, айни вақтда самарали бўлган методларни танлай олиш ҳам муҳимдир.