Режа: Таълим менежменти фанининг бошқа фанлар билан алоқаси. Таълим менежменти фaни тaдқиқoт мeтoдлaри. Таълим менежментида педагогик жараён тушунчаси

Таълим олувчилар ижодини ўрганиш методи. Мазкур метод таълим олувчиларнинг муайян йўналишлардаги лаёқати, қобилияти, шунингдек, маълум фан соҳалари бўйича билим, кўникма ва малакалари даражасини аниқлаш мақсадида қўлланилади. Уни қўллашда таълим олувчиларнинг ижодий ишлари, мустақил ишлари, ёзма ишлари, рефератлари, ҳисоботлари муҳим восита бўлиб хизмат қилади.
Тажриба (эксперимент – лотинча “синаб кўриш”, “тажриба қилиб кўриш”) методи. Тажриба методидан муаммо ечимини топиш имкониятларини ўрганиш, мавжуд педагогик шароитларнинг мақсадга эришишнинг кафолатлай олиши, илгари сурилаётган тавсияларнинг амалиётда ўз инъикосига эга бўла олиши ҳамда самарадорлигини аниқлаш мақсадида фойдаланилади.
Математик-статистик метод тажриба-синов ишлари, шунингдек, умумий ҳолда тадқиқотнинг самарадорлик даражасини аниқлаш мақсадида қўлланилади, муаммо ҳолатини ифодаловчи кўрсаткичлар махсус математик формулалар ёрдамида қайта таҳлил этилади.
Таълим менежментида педагогик жараён тушунчаси
Педагогик жараён – педагогик фанларнинг энг муҳим, асосий категорияларидан бири.
Педагогик жараён катталарнинг педагогик фаолияти ва тарбиячиларнинг бошқарувчилик роли туфайли фаол ҳаётий фаолият натижасида боланинг ўзини-ўзи ўзгартиришининг мақсадга йўналтирилган мазмундор, ташкилий ҳаракатидир.
У ҳақиқатдан илмий асосланган, ривожлантирувчи ва такомиллашиб борувчи тизим сифатида мавжуд бўлади ҳамда тарбия қонуниятлари, педагогнинг ижодкорлиги ва таълим олувчиларнинг ёш билан боғлиқ ўзгаришлари динамикасига асосланади.
Педагогик жараён бошқа барча ижтимоий жараёнлар(иқтисодий, сиёсий, ахлоқий, маданий ва бошқалар) билан чамбарчас боғланган. Унинг моҳияти, мазмуни ва йўналганлиги ижтимоий жараёнларнинг ҳолати, ишлаб чиқариш кучлари ва ишлаб чиқариш муносабатларининг реал ўзаро ҳаракатига боғлиқ бўлади.
Ўқув-тарбия жараёнининг асосий хусусияти – ягоналик, ундаги барча муҳим таркибий қисмларни сақлаб қолиш зарурияти.
Яхлитлик асосига таълим, тарбия ва ривожланиш бирлигини таъминлаш педагогик жараённинг моҳиятини ташкил этади.