Режа: Резина саноатининг ҳалқ хўжалигидаги роли

Каучукларни пластикациялаш. Резина буюмни тайёрлашда табиий ва синтетик каучуклар ҳамма вақт пластоэластиклик хоссаси бўйича талабга жавоб беролмайди.
Каучукларни эластик хоссаси резина буюмлари учун жуда муҳим, лекин бу кўрсаткич резина аралашмасини тайёрлашда, яъни қайта ишлаш жараёнида ишлов беришда салбий роль уйнайди, чунки сарфланаётган механик кучнинг унумдорлиги қайтар деформация ҳисобига камаяди. Механик ва иссиқлик таъсирида каучукнинг пластиклиги кўпайиши мумкин. Технологик жараён ва бу ҳодиса натижасида каучукнинг пластиклиги ошиши, қовушқоқлиги камайиши ва эластик тикланиши (эластическое восстановление) пластикация деб аталади. Шунинг учун, резина аралашмасини тайёрлаш каучукларнинг аниқ бир пластик хоссага эга бўлган кўрсаткичидан фойдаланишни тақозо қилади.
Пластикация механизми Сизларга полимерлар физикаси ва кимёси фанида ёритилган бўлиб, мен бу ерда бунга тўхталиб ўтмайман.
Резина аралашмасини (қоришмани) тайёрлаш. Олдин айтилганидек, резина аралашмаси мураккаб кўп компонетли система ва унинг таркибига каучук ва ҳар хил ингредиентлар киради.
Резина аралашмасини олиш учун каучук ва ингредиентлар ягона массага келгунча аралаштирилади. Қоришма аралаштирилганидан сўнг қўйидаги талабларга жавоб бериши лозим:

1. 
   Қоришма таркибига кирувчи барча компонентларни бир текисда тақсимланиши;
   
2. 
   Қоришма яхши технологик хоссага эга бўлиши (каландрланиши, шприцланиши ва таркибига камроқ киришиб кичрайиши).
   
3. 
   Вулканлангандан сўнг вулканизатларнинг берилган физик-механик хоссаларини таъминланиши.
   

Аралаштириш жараёни бир неча боскичдан иборат бўлиши мумкин:

• 
  қаттиқ компонетларни майдалаш;
  
• 
  компонентларни каучукка киритиш;
  
• 
  агломератларни дисперслаш;
  
• 
  қориштириш.
  

Компонентларни аралаштириш механизмига кўп компонентли системанинг деформацияланиши деб қараш мумкин. Бу деформация натижасида аралашаётган материалларнинг қалинлиги тобора камайиб бориши компонентлараро юза таъсирининг ошиб боришига олиб келади. Натижада, шундай холатга эришиш мумкинки, қатлам қалинлиги дисперсланаётган фаза заррача ўлчамига яқинлашади.
Резина аралашмасининг сифати компонентларни ягона ҳажмда бир текисда тақсимланиши билан белгиланади.
Резина аралашмасини тайёрлаш қуйидаги расмда келтирилган.

1- расм. 1, 12, 16, 20, 24, 26-28, 33, 34, 38, 39, 44 – ҳар хил материаллар учун тақсимловчи бункерлар; скребка типидаги тўлдирувчи; 3, 7, 22, 25, 32, 37, 41, 46 – инградиентлар учун автоматик тарозилар; 5 – резина аралаштирувчи; 6 – циркуляцион система; 10 – шестерняли насос; 13, 17 – виброшнекли таъминловчи; 35, 36, 40, 45 – винтли таъминловчи; 42 – гранула ҳолатдаги каучук учун идиш; 49 – вальц ва ҳ.к.