Reja: O‘zbekiston Respublikasi kadrlar tayyorlash milliy dasturini talablari

b) c)




g) d) e)
6.2- rasm.

6.3. – rasmda filtrli kirish zanjirlarining sxemalari ko‘rsatilgan.

6.3,a –rasmda filtr ketma-ket, 6.3,b – rasmda esa parallel ulangan.



a) b)

6.3 – rasm

47-Ma’ruza

Kirish zanjirlarining asosiy ko‘rsatkichlari
Kirish zanjirlarining quyidagi asosiy ko‘rsatkichlari bo‘ladi:

Uzatish koeffitsienti. Kirish zanjirining chiqishidagi kuchlanishni antennaning elektr yurituvchi kuchiga bo‘lgan nisbatiga kirish zanjirining kuchlanish bo‘yicha uzatish koeffitsienti deb ataladi, ya’ni

K_u = U_CHIQ/E_A (6.1).
Kirish zanjirining chiquvchi signal quvvatining antenna quvvatiga nisbatan bo‘lgan nisbatiga kirish zanjirining quvvat bo‘yicha uzatish koeffitsienti deb ataladi, ya’ni:
K_r = R_CHIQ/R_A (6.2).
Uzatish koeffitsientlari tebranma konturning rezonans xolatida o‘zining eng katta qiymatiga erishadi. SHu sababdan bu uzatish koeffitsientlarini kirish zanjirlarining rezonans uzatish koeffitsientlari deb xam ataladi. Bu koeffitsientlar qanchalik katta bo‘lsa qabul qiluvchi qurilmalarning sezgirligi shunchalik yuqori bo‘ladi.

Tanlovchalik koeffitsienti. Kirish zanjirining tanlovchanlik koeffitsienti, tebranma kontur rezonans chastotasiga sozlanganda uning uzatish koeffitsientlari, kontur nosozlanib qolgan paytidagi uzatish koeffitsientlaridan qanchalik katta ekanligini aniqlab beradi.

Tanlovchanlik __________koeffitsientini quyidagicha ifoda etiladi:

σ = K_o/ K_Δf . (6.3),

bu erda, Δf = f₀ – f ga tengdir.

Tanlovchanlik koeffitsienti zanjirning rezonans xarakteristikasiga bog‘liqdir. SHuning uchun ham tanlovchanlik koeffitsientini yaxshilash maqsadida tegishlicha asllikka ega bo‘lgan tebranma konturlar tanlanadi.

CHastota doirasini chegaralash yoki qoplovchi koeffitsienti. Rezonans chastotasining eng katta – maksimal qiymatini uning eng kichik – minimal qiymati bo‘lgan nisbati chastotasi doirasini chegaralash yoki qoplovchi koeffitsienti deb ataladi, ya’ni:

Kch = f_0max/f_{0 min} (6.4).
Kirish zanjirining chastota o‘tkazish polosasi. Bu koeffitsient kirish zanjirining kuchlanish bo‘yicha uzatish koeffitsientini uning oldindan berilgan qiymatidan o‘zgarmaydigan holatda saqlab turuvchi chastota oralig‘idir. Bu koeffitsient kuchlanish bo‘yicha uzatish koeffitsientining eng katta qiymatini 0,7 satxi bo‘yicha aniqlanadi.

Kirish zanjiri parametrlarining nomutanosiblik koeffitsienti.

Kirish zanjirining bu koeffitsienti radio to‘lqinlarini qabul qiluvchi qurilmalar nosozlanib qolganda ularning asosiy xarakteristik parametrlari qanchalik o‘zgarib qolganligini ko‘rsatadi. Ularning ifodalari quyidagichadir:
a) uzatish koeffitsienti bo‘yicha;
K = K_u/K₁ (6.5).
b) tanlovchanlik koeffitsienti bo‘yicha;
Kσ =σ₂/σ₁ (6.6).
v) chastota utkazish polosasi buyicha
K_chul = P₂/P₁ (6.7).
Bu koeffitsientlar mumkin qadar birga yaqinlashgani ma’qul. CHunki ular birga yaqinlashganida xarakteristik parametrlarning o‘zgarishi sezilarli bo‘lmaydi.