Reja: O‘zbekiston Respublikasi kadrlar tayyorlash milliy dasturini talablari

KIRISH ZANJIRLARI

46-Ma’ruza
Kirish zanjirlari haqida umumiy ma’lumotlar
Kirish zanjirlari sig‘im C va induktivlik L dan tashkil topgan tebranma kontur bo‘lib antenna bilan o‘zidan keyingi keladigan zanjirni o‘zaro bog‘lab turadi. Kirish zanjiriga quyidagi talablar qo‘yiladi: Antennadan kelayotgan radiosignallar energiyasini o‘zidan keyin keladigan zanjirga mumkin qadar isrofsiz uzatishga imkoniyat tug‘dirib berish:

• 
  Antennadan kelayotgan turli chastotali radiosignallar orasidan foydali signallarni aniq va benuqson ajratib olish;
  
• 
  Ayrim sabablarga ko‘ra tebranma konturda hosil bo‘lgan ichki va tashqi halaqit signallarini mumkin qadar yo‘qotish.
  

6.1-rasmda kirish zanjirlarining tuzilishi ko‘rsatilgan. 1- kirish zanjiri bilan antenna orasidagi aloqa elementli; 2 – tebranish konturi; 3 – tebranish konturi bilan undan keyin keladigan zanjir orasidagi aloqa

elementi.

6.1 - rasm.

Antenna qabul qilgan radiosignal va shovqin signallari aloqa elementi 1 orqali o‘tib tebranma kontur 2 ga kirib keladi. Tebranma kontur oldindan belgilab qo‘yilgan foydali signal chastotasiga sozlangan bo‘ladi. SHu sabab tebranma konturdan foydali signal o‘tib, u signal o‘zidan keyingi zanjirga uzatiladi. SHu yo‘l bilan foydali signal shovqin signallaridan qisman tozalanadi. Aloqa elementi 1, antenna qarshiligi bilan kirish zanjirining kirish qarshiligi, aloqa elementi 3 esa, tebranma kontur 2ning chiqish qarshiligi bilan o‘zidan keyingi keladigan zanjirning kirish qarshiligini moslab turadi. Demak, kirish zanjirini antenna qarshiligini o‘zidan keyingi keladigan zanjirning kirish qarshiligi bilan o‘zaro moslab beradigan moslovchi transformator ham ekan deb qarash mumkin.

Kirish zanjirlari tarkibidagi tebranma konturlarning soniga qarab bir, ikki yoki ko‘p konturli bo‘ladi. Antenna bilan o‘zaro bog‘lanishga qarab ular:

• 
  Tashqi va ichki sig‘im aloqasi (rasm. 6.2,a,b- rasm);
  
• 
  Induktiv aloqali (6.2,v-rasm);
  
• 
  Avtotransformator aloqali (6.2,g-rasm);
  
• 
  Sig‘im va induktiv aloqali (6.2,d-rasm);
  
• 
  To‘g‘ridan-to‘g‘ri aloqa (6.2,e-rasm) bo‘ladilar
  

To‘g‘ridan – to‘g‘ri aloqali kirish zanjirlariga antennaning ta’siri salbiy bo‘ladi. SHu sabab bunday aloqali sxemalar qo‘llanilmaydi.

Kirish zanjiriga kirib kelgan shovqin, signallarining ta’sirini yo‘qotish uchun maxsus filtrlar ishlatiladi.

1.