Режа Мавзу бўйича нашр қилинган адабиётларнинг назарий таҳлили ва амалиётдаги муаммолар

6-жадвал
Молиявий ҳисобот таҳлили субъектлари ва уларнинг манфаатлари

Т.№	Таҳлил субъектлари	Субъект манфаатлари	Қўйилган маблағ	Компенсация
1.	Корхона ходимлари	Фирма ва компаниянинг молиявий аҳволи, фаолияти, молиявий аҳволидаги ўзгаришлари тўғрисидаги маълумотларни билишдан	Жисмоний ва ақлий салоҳиятни йўналтирилиши	Иш ҳақи ва рағбатланти ришларнинг турли шаклларида
2.	Таъсисчилар	Фирма, компанияга қўйилган ва қўйиладиган маблағларнинг фойдалилигидан	Хусусий капитал, сармоя қўйилиши	Дивиденд, улуш,
3.	Аудиторлар	Эълон қилинадиган ҳисобот шаклларини тўғрилигини ҳуқуқий тамойиллар асосида баҳолаш ва фирма, компаниялар молиявий ҳолатини яхшилашни ички имкониятларини кўрсатиб беришдан, мулк эгалари манфаатларини ҳимоя этишдан	Амалий ечим ва тавсиялар берилиши	Аудиторлик хизматлари қиймати
4.	Юқори ташкилотлар	Банд қилинган моддий ва молиявий ресурслар харакатини ва самарадорлигини ўрганишдан	Амалий (моддий ва молиявий)кўмак ёрдам берилиши	Фаолият натижасидан улушга эга бўлиш
5.	Солиқ идоралари	Мажбурий тўловлар, солиқлар ва ажратмаларни ундириш юзасидан ресурслар ҳолати, харакатини ва фаолият натижавийлигини ўрганишдан	Жамият манфаатларига хизмат қилиниши орқали	Солиқлар, тўловлар ва йиғимларнинг тўлиқ ва ўз вақтида йиғиб бориш
6.	Суғурта агентликлари	Фирма, компания мулкини турли таҳликалардан ҳимоя қилиш, сақланиши юзасидан маълумотларни ўрганишдан	Суғурта полисларини олиниши	Суғурта тўловлари
7.	Мол етказиб берувчилар	Шартномавий муносабатларни йўлга қўйиш, томонларнинг ўз мажбуриятларини бажариши, тўлов интизомига риоя қилиш, тўловга қобилликни ҳолати тўғрисидаги маълумотларни ўрганишдан	Товар моддий захираларни етказиб берилиши	ТМЗнинг келишилган нархлардаги қийматига эга бўлиш
8.	Харидор ва буюртмачилар	Таъминотдаги узилишларга йўл қўймаслик юзасидан фирма ва компанияларнинг молиявий ва иқтисодий салоҳиятнинг таянчи тўғрисидаги маълумотлардан	Маҳсулот(иш, хизмат)ларни сотиш юзасидан ишончли савдо ҳамкорлиги	Маҳсулот (иш. хизматлар)ни келишилган нархлардаги қийматига эга бўлиш
9.	Банклар	Корхонанинг тўлов лаёқати, молиявий барқарорлиги, кредитга қодирлик, маблағлар харакатчанлиги (ликвидлиги) ни ўрганишдан	Кредит ва қарзлар туширилиши	Кредитлар ва қарзлар фоизи
10	Жамоатчилик	Корхона фаолиятининг барча қирралари	Корхона фаолиятида жамоат манфаатларини қай даражада уйғунлигини кузатиб бориш орқали унинг барча бўғинларига таъсир этиши орқали	Жамоат манфаатлар уйғунлиги таъминланади

Таҳлил субъектларини қизиқишларини қуйидаги йўналишлари бўйича тузиб чиқиш уларнинг манфаатларини янада ёрқинроқ тушуниш имконини беради: ахборотнинг ишончлиги, сифати ва аниқлигини баҳолаш бўйича: активлар ликвидлигини баҳолаш бўйича; тўлов лаёқатини баҳолаш бўйича; молиявий ресурслардан самарали фойдаланиш ҳолатини баҳолаш бўйича; молиявий барқарорликни баҳолаш бўйича; инвестицион жозибадорликни баҳолаш бўйича; кредитга лаёқатликни баҳолаш бўйича; дивиденд сиёсати баҳолаш бўйича; иқтисодий ночорликни баҳолаш бўйича ва ҳ.к.