Reja: Kirish “index” mchJning mulkchilik shakli va faoliyatining iqtisodiy tavsifi

Xulosa …………………………………………………………………...29-30

Foydalanilgan adabiyotlar ro’yxati……………………………………31-32

Kirish

Men 2021-yilning 11- yanvar va 20-fevral oralig’ida “INDEX” MCHJda 4-kurs ishlab chiqarish amaliyotini o’tadim. Amaliyot davomida institut tomonidan berilgan dastur asosida har bir mavzuga oid me’yoriy-huquqiy hujjatlarni va amaliy ma’lumotlarni o’rganib, ularning asosiylarini hisobotimga ilova qilmoqdaman.

Mamlakatimiz iqtisodiyotini rivojlantirish, farovon turmushini ta'minlashda muhim o‘rin tutayotgan tadbirkorlikni qo‘llab-quvvatlash masalasi davlat siyosatining strategik yo‘nalishlaridan biridir.

Amalyot o’tash mobaynida, men quyidagilar bilan tanishib chiqdim:

1“INDEX” MChJ ning mulkchilik shakli va korxona faoliyatining iqtisodiy tavsifi

2. “INDEX” MChJ faoliyatini me’yoriy huquqiy asoslari

3. “INDEX” MChJ ning tashkiliy strukturasi va xodimlar faoliyatini boshqarish bilan tanishuv

4. “INDEX” MChJ ning faoliyatini tahlil qilish (SWOT)

Albatta men amalyot o’tagan MCHJ ham dastavval tadbirkorlik subekti asosida tashkil etilgan keyinchalik faoliyat ko’lami kengayib MCHJ ga aylangan. Quyida men Prezidentimizning keyingi yillarda nafaqat tadbirkorlar balki barcha bizness vakillari faolyatlarida yuzaga kelayotgan muammolar va ularga tahlillardan iqtiboslar keltirmoqchiman.

"Ming afsus, tadbirkorlik sub'yektlarida noqonuniy tekshirish o‘tkazish va ularning faoliyatiga asossiz aralashish holatlari hamon uchramoqda. Jumladan, oxirgi ikki yilda davlat organlari tomonidan tadbirkorlik sub'yektlarida 209 marta noqonuniy tekshirish o‘tkazilgan va 702 holatda ularning faoliyatiga asossiz aralashilgan"¹, - dedi davlatimiz rahbari. Shavkat Mirziyoyevning so‘zlariga ko‘ra, o‘tgan yili Jizzax, Qashqadaryo, Toshkent viloyatlarida tadbirkorlikni noqonuniy yo‘l bilan tekshirishga bog‘liq bor-yo‘g‘i bittadan holat aniqlangan. Sirdaryo viloyatida esa birorta ham bunday holat aniqlanmagan.

"Eng yomoni, buning oqibatida mavjud ish o‘rinlari yo‘qotilmoqda. Ma'lumki, tadbirkor o‘zining bola-chaqasidan qiyib, to‘plagan puli, mol-mulkini yangi ish ochishga sarflaydi. Bankdan kredit olsa, uni ham foizi bilan o‘zi to‘laydi. Unga hech kim har 15 kunda byudjyetdan avans yoki oylik bermaydi. Shunga qaramasdan, tavakkal qilib, huzur-halovatdan kechib, bor imkoniyati va mablag‘ini xavf-xatarga qo‘yib, o‘z ishi uchun kecha-yu kunduz jonini berib ishlaydi. Shu yo‘l bilan nafaqat o‘z oilasini, balki el-yurtni ham boqadi. Shu ma'noda tadbirkor bu haqiqiy fidoiy inson. Shaxsan men bunday insonlarni, ikkitagina ish o‘rnini yaratgan tadbirkorni boshimga ko‘tarishga tayyorman", - dedi Sh. Mirziyoyev.

"Tadbirkor boy bo‘lsa, davlat ham, xalq ham boy bo‘ladi, degan fikrni qayta-qayta takrorlashdan charchamayman. Shu munosabat bilan yana bir bor ta'kidlab aytmoqchimanki, tadbirkor yo‘liga qarshi chiqish davlat siyosati, prezident siyosatiga qarshi chiqishdir. Afsuski, bu borada aytilayotgan gaplar, ko‘rilayotgan chora-tadbirlarga qaramasdan, mansabdor shaxslar tomonidan tadbirkorlarga nisbatan tamagirlik holatlari hali-hanuz uchrab turibdi. Bu esa tadbirkorlarda haqli ravishda norozilik hissini uyg‘otmoqda", - deya ta'kidladi davlatimiz rahbari.

Shuningdek bunday holatlarning har biri bo‘yicha aybdor shaxslarni aniqlab, so‘zsiz jinoiy javobgarlikka tortish shartligi ta'kidlandi. Bundan buyon har qaysi tuman va viloyat prokurorlarining faoliyati u ishlayotgan hududda qancha yangi tadbirkorlik sub'yektlarini tashkil etgani, qancha tadbirkorlarning qonuniy huquq va manfaatlarini himoya qilganiga qarab baho beriladigan yangi tizim joriy qilinishi ta'kidlandi.