Reja: Kirish. I-bob. Asosiy qism

Ishlab chiqarish tashkilotlarda va korxonalarda gimnastika sport turidan umumiy foydalanish
Reja:
Kirish.
I-bob.Asosiy qism
1.1.Ishlab chiqarish gimnastikasi
1.2.Akrobatik mashqlarning atamalari.
1.3.Gimnastikaning sport turlari
II-bob. Ishlab chiqarish tashkilotlarda va korxonalarda gimnastika sport turidan umumiy foydalanish
2.1. Gimnastika sport turidan umumiy foydalanish
Xulosa
Adabiyotlar
KIRISH
Badiiy gimnastika - sport turlari orasida o’zining jozibasi, harakatlarining ham murakkab, ham betakrorligi bilan ajralib turadi. Turli musobaqalarda musiqa sadolari ostida harakatlar uyg‘unligi ila turli obrazlarni ijro etayotgan qizchani ko‘rib, bu aynan xotin-qizlar uchun yaratilgan sport turi ekanligini anglaysan kishi. Sportchining mashqlarni yengil va maromda bajarayotganini ko‘rib, tomoshabin buning zamirida qancha mehnat, mashaqqat, sport turiga sadoqat, kuchli jismoniy tayyorgarlik borligini tasavvur ham qilolmaydi. Juda zavqli ko‘ringan chiqish sportchining mahorati, ko‘nikma va malakasini namoyish etadi.
Badiiy gimnastika - yurtimizda juda keng jadal rivojlanib, ommalashib bormoqda. Nafaqat shahar, tuman markazlari, balki chekka-chekka qishloqlarda ham sportning bu turiga qiziqish va shug‘ullanuvchilar soni ortishi tahsinga loyiqdir. O‘tkazilayotgan musobaqalarda ham sportchilar ko‘nikma malakalari oshayotgani, sport mahorati yuksalayotgani badiiy gimnastikaning kelajagi yurtimizda barqaror ekanidan dalolat beradi.
Bu sport turi bilan qizlar 4-5 yoshdan boshlab shug‘ullanishlari mumkin. Mashg‘ulotlar jarayonida olinadigan yuklamalar, mashqlar qizlar organizmi uchun foydali va samarali ta’sir ko‘rsatishi juda ko‘p manbalarda ta’kidlangan. Bu ayni haqiqatdir. Chunki, ushbu sport turi bilan shug‘ullangan qizlarda noziklik, harakatlarning mayinligi, nafisligi, kelishgan qaddi-qomat shakllanadi. Bundan tashqari, jismoniy sifatlardan, egiluvchanlik, epchillik, chaqqonlik va koordinatsiya juda yaxshi rivojlanadi. Shu bilan birga, axloqiy, estetik va irodaviy hislatlarni ham tarbiyalaydi.