Reja I. Kirish I

Bola tarbiyasida maktabgacha ta'lim tashkiloti va oila hamkorligi

Pedagoglik odobi—bolani tarbiyalashdagi mohirlik bo‘lib, buni tarbiyachilar singari ota-onalar ham bilishi, o‘rganishi lozimdir. Chunki ota-onalar o‘z hulqi, fe'l atvorini tashkil eta bilishlari va bolaning qalbida, ongida nima kechayotganini seza olishlari muhim sanaladi. Insonni qanday shakllanishi kim bo‘lib yetishishi avvalo, oiladagi tarbiyaga, ota-onaning tarbiyasiga, salohiyatiga, mas'uliyatliligiga va bola tarbiyasining umumiy qonuniyatlarini yaxshi bilib, ularga qanday amal qilishiga bog‘liq. Lekin ko‘pchilik oilalarda bola tarbiyasi bo‘yicha juda murakkab vaziyatlar yuzaga kelmoqda. Bunday vaziyatlar ota-onalarning pedagogik bilimlardan xabarsiz ekanliklari sababli yuzaga kelmoqda. Ota-onalarning ko‘pchiligi ahloq, huquqshunoslik, psixologik va pedagogik bilimlarni bilmaydilar. Bu esa bola tarbiyasida noxush voqyealarga sabab bo‘lmoqda. Shunday ekan ota-onalarning dunyoqarashini, tafakkurini va ularning amaliy faoliyatini kuchaytiruvchi, oilada bolaning hulqini va ularning tarbiyaviy ta'sirini tahlil qilishga undovchi pedagogik bilimlarni yanada kengroq targ‘ib qilish muhim sanaladi. Maktabgacha ta'lim tashkilotining oila bilan ish olib borish jarayonida aniq maqsad ko‘zda tutilishi muhim sanaladi. Ota-onalar bilan hamkorlik asosida amalga oshirilgan ishlarni tahlil qilib, ular bilan bog‘liq bo‘lgan shakl va usul asosida rejali hamda izchil ishlarni olib borish maqsadga muvofiqdir. Ana shunday bolalar bog‘chasi xodimlarining ota-onalar va oilalar bilan hamkorlikdagi ishlarining keng tarqalgan shakl va usullari mavjud;

bularga:
a) ota-onalar va oilalar bilan yakkama-yakka ishlash. Ta'lim-tarbiya jarayonida bu tur katta ahamiyat kasb etib, yaxshi natijalarni qo‘lga kiritish imkonini beradi. Bunda tarbiyachi oila va bolaning shaxsiy hususiyatlarini o‘rganib, tarbiyaviy jarayonda inobatga oladi. Buning natijasida tarbiyachi va ota-ona o‘rtasida o‘zaro ishonch, hurmat, do‘stlik munosabatlari o‘rnatiladi;
b) ota-onalar bilan jamoa tarzida tashkil qilinadigan ishlar. Bular ota-onalarning
guruhli va umumiy majlisi, ota-onalar maktabi, anjumanlar, shanbaliklar, (bolalar bog‘chasi xodimlarining ota-onalar bilan birgalikda amaliy faoliyati) savol va javob kechalari;
v) ko‘rsatmali ishlar. Ishning bu turini: ko‘rgazmalar, fotomantajlar, bolalarning ishlarini namoyish qilish, ochiq eshiklar kuni, ota-onalar burchagi, ota-onalar uchun kutubxona, oilaviy tarbiyaning turli muassasalari bo‘yicha materiallar solingan papka va shu kabilarni qamrab oladi;
g) bolaning oilasini borib ko‘rish va oila a'zolari bilan yaqindan tanishish;
d) ota-onalarga pedagogik ta'lim berish va boshqalarni ko‘rsatish mumkin.
Ota-onalar va oila bilan hamkorliqda olib boriladigan ish shakllarining ayrimlarini qanday tashkil qilish usullariga quyidagilarni ko‘rsatish mumkin: