Istiqbolli model loyixasini joriy etish Ma’muriy jarayonlar reinjiniringi tadbirini o’tkazish bo’yicha tuzilgan ishchi guruxi tomonidan ishlab chiqilgan istiqbolli model loyixasini joriy etish vazifasini quyidagi bosqichlarda amalga oshirishi maqsadga muvofiq::
Reinjiniring yakunlari bo’yicha axborot taxliliy doklad tayyorlash va taqdimot o’tkazish;
Faoliyatning istiqbolli modelini joriy etish bo’yicha Vazirlar Maxkamasi qarorini rasmiylashtirish;
O’tkazilgan reinjiniring natijalari asosidagi istiqbolli modelni joriy etish natijalari xaqida axborot taxlily doklad tayyorlash.
1) O’tkazilgan reinjiniring tadbirlari yakuni xaqidagi axborot tahliliy doklad yuqoridagi bosqichlar so’ngida tayyorlangan ahborot tahliliy xujjatlar yig’indisidan iborat, hajmi 50-60 betdan iborat kengaytirilgan sharh shaklidagi hujjat bo’lib, uni O’zbekiston Respublikasi Milliy ahborot-kommunikatsiya tizimlarini rivojlantirish Kompleks chora tadbirlari rejasini bajarilishi bo’yicha muvofiqlashtiruvchi Komissiya yig’ilishi kun tartibiga kiritiladi va taqdimoti (ppt) o’tkaziladi.
Dokladga ilova qilingan, reinjiniring tadbirlari nitijasida ishlab chiqilgan sohani isloh qilish konsepsiyasi, uni joriy etish tarmoq grafigi, chora-tadbirlar rejalari, davlat va ho’jalik boshqaruv organlari funksiyalari, xizmatlari, faoliyat jarayonlarning modellari, diagrammalari va istiqbolli reglamentlari muxokama qilinadi.
2) Loyiha bo’yicha bo’lib o’tadigan munozaralar doirasida bildirilgan fikr-muloxazalar inobatga olingan xolda, ushbu yig’ilish bayonnomasi asosida tegishli soha faoliyatning istiqbolli modelini joriy etish bo’yicha Vazirlar Maxkamasi qarorini loyixasi ishlab chiqiladi va rasmiylashtiriladi. Vazirlar Maxkamasining tegishli qarori bilan tasdiqlangan Reinjiniring tadbirlari natijasi xisoblangan loyixani joriy etish chora-tadbirlar rejasida qayd etilgan vazifalarni amalga oshirishi tarmoq grafiklari asosida ijrosi ta’minlanadi.
O’zbekiston Respublikasi Prezidentining 2015 yil 4 fevraldagi PF-4702 sonli farmoni 3-bandiga asosdan O’zbekiston Respublikasi Axborot texnologiyalari va kommunikatsiyalarini rivojlantirish vazirligining tegishli me’yoriy xuquqiy xujjati (buyruq) bilan davlat va ho’jalik boshqaruv organlariga ijro uchun yuborilishi xam mumkin.
YUqorida qayd etilganidek birlamchi reinjiniring tadbirlari natijasida tashkilotdagi funksional faollik va loyiha tasnifidagi faoliyatlar qisqartiriladi, 20 % asosiy jarayonlar optimallashtiriladi.
Birlamchi reinjiniring tadbirlari natijasi, shuningdek qolgan 80% funksiya va xizmatlar bo’yicha davlat organi va uning xizmatchilari faoliyatining samaradoriligi quyida tavsiflanadigan baxolash mexanizm orqali monitoring qilinadi.
Davlat organlari va xizmatchilari Faoliyatining Samaradorligini Baxolash Mexanizmi (FSBM) vazirlik-idoralar vazifalarining inventarizatsiyasi orqali shakllantirilgan umumiy ro’yxatidagi asosiy funksiya, xizmatlar va jarayonlarni reyting tizimi asosida baxolashni amalga oshiradi.
Mazkur mexanizm asosiy funksiya va xizmatlar bo’yicha bir nechta muqobil manbalar orqali qabul qilib olinadigan ma’lumotlarni, belgilab olingan me’zonlar bo’yicha, qiyosiy taxlil qilish orqali davlat organlari va xizmatchilari faoliyati samaradorligi baxolarini generatsiya qiluvchi “Reinjiniring” - Axborot-taxliliy tizimi (RATT) shaklidagi, portal yechimidagi axborot tizimi ko’rinishida bo’ladi.
Mazkur axbort tizimi vazirlik-idoraning asosiy xizmat vazifalari va funksiyalari to’g’risidagi ma’lumotlarni quyidagi 5ta muqobil manbaalardan qabul qilib oladi:
1. Davlat va ho’jalik boshqaruv organining o’zidan;
2. Jismoniy yoki yuridik shaxs maqomidagi barcha istemolchilardan;
3. Funksiya va xizmatlarni amalga oshirishda ishtirok etuvchi xamkor idoralardan;
4. Nazorat qiluvchi va huquq tartibot organlaridan;
5. Vazirlik idoraning “Elektron hukumat” tizimlari eng rivojlangan davlatlardagi turdosh idoralari bilan taqqoslash va qiyosiy taxlil qilish bo’yicha ekspert va ilmiy tadqiqot guruhlaridan.
Ushbu 5 ta muqobil manbaalar orqali asosiy funksiya va xizmat ko’rsatilishi jarayonlarining amaldagi real xolati xaqidagi fakt va argumentlar asosida vazirlik-idoradagi Ma’muriy jarayonlar murakkabligi koeffitsenti shakllantiriladi.
