Referat mavzulari ro’yxati

Moyli bo‘yoqlar. 
Moyli bo‘yoqlar olifni pigment va to‘ldirgich bilan birga 
maxsus mashinada obdon ishqalab tayyorlanadi. Quyuq ishqalangan va suyuq 
ishqalangan moyli bo‘yoqlar ishlab chiqariladi. Quyuq ishqalangan moyli bo‘yoqlar 
ish joylarida olif qo‘shib suyultiriladi. Suyuq ishqalangan moyli bo‘yoqlarning 
tarkibida 40-50% olif bo‘lib, ular to‘g‘ridan-to‘g‘ri ishlatiladi. Bunday bo‘yoqlarga 
masalan: titanli va sinkli belila kiradi. Moy bo‘yoqlar olif va ularning tarkibiga 
kiruvchi pigmentning turi hisobga olib ishlatilishi lozim. Natural olifli bo‘yoqlar 
ko‘priklar, gidrotexnik inshootlarda va tayanchlarning po‘lat qurilmalarini, shuningdek 
namdan saqlash niyatida deraza romlari, pollar va boshqa yog’och elementlarni 
bo‘yashda ishlatiladi. 
Tabiiy Yelim va anorganik bog‘lovchi moddalar asosidagi bo‘yovchi 
tarkiblar 
Sementli bo‘yoqlar. 
Sementli bo‘yoqlarda bog‘lovchi modda oq portlandsement 
hisoblanadi. Bular tarkibiga solinadigan pigmentlar ishqorga chidamli bo‘lishi lozim. 
Suv saqlash qobiliyatini oshirish maqsadida so‘ndirilgan ohak kukuni va kalsiy xloridi 
solinadi, atmosfera ta’siriga chidamli bo‘lishi uchun esa gidrofob moddalar-mыlonaft, 
kalsiy stearati solinadi. Sementli bo‘yoqni taxminiy tarkibi (massaga nisbatan % 
hisobida): sement-75, so‘ndirilgan ohak kukuni -15, pigment-6, kalsiy xloridi-3, 
gidrofob qo‘shimcha-1-1,5. Bu bo‘yoqlar tosh, g‘isht, beton, suvoq va boshqa g‘ovak 
ashyolarni bo‘yashda, shuningdek namligi yuqori ichki xonalarning yuzalarini 
ranglash uchun xizmat qiladilar. 
Ohakli bo‘yoqlar. 
Ohakli bo‘yoqlarda bog‘lovchi sifatida so‘ndirilgan ohak 
ishlatiladi. Bo‘yoq tarkibida ishqorga chidamli anorganik pigmentlar va oz miqdorda 
qo‘shimchalar–osh tuzi va kalsiy xlor qo‘shadilar. Ohakli bo‘yoq qoplamalar ohakning 
karbonizatsiyalanishi tufayli mustahkam bo‘ladi.