Raymond Murphy Red (qizil) unit 1-50

UNIT 12. Past continius - Davomiy o'tgan zamon 
O'tgan zamonda davom etayotgan ish harakatini bildirish uchun 11-darsdagi was/were fe'llaridan 
foydalanib, ish-harakatni bildiruvchi so'zga davomiy hozirgi zamon qo'shimchasi "ing" qo'yamiz. 
Davomiy hozirgi zamonda "I am sitting" (men o'tiribman) bo'lsa, davomiy o'tgan zamonda "I was 
sitting" (men o'tirgan edim) bo'ladi. Ya'ni, hodisa o'tgan zamonda davom etayotganini 
tushunamiz. 
I am watching TV - Men televizor ko'ryapman. 
I watch TV - Men odatda televizor ko'raman. 
I watched TV - Men televizor ko'rdim 
I was watching TV - Men televizor ko'rayotgan edim. 
Savol berish uchun avvalgi darsdagi kabi, was/were egadan oldinga o'tadi: 
Was he playing? - U o'ynayotgan edimi? 
Javob berish uchun ham avvalgi darsdagidek "Yes, I was" yoki "No, I wasn't" kabi qisqa javob 
berish mumkin. 

---

UNIT 13. Past continius and past simple
Bu darsda oldingi o'tgan ikkita darsimiz takror qilinmoqda. Demak, ingliz tilida o'tgan zamon
fe'lining bir necha turlari bo'lib, biz hozirgacha ulardan ikkitasini o'rgandik:
1. Past continius - davom etayotgan hozirgi zamon. Ya'ni, falon vaqtda falon voqea sodir bo'ldi
emas, sodir bo'layotgan edi, demoqchi bo'lganimizda past continiusni ishlatamiz. Davom
etayotgan fe'llarda u hozirgi zamonda yoki o'tgan zamonda bo'lsa ham "To be" fe'li ishlatiladi.
Davom etayotgan hozirgi zamonda am/is/are, o'tgan zamonda was/were ishlatiladi.
2. Past simple - oddiy o'tgan zamon. Ya'ni, biror ish harakat o'tgan zamonda davom etmayotgan,
tugatilgan holatni ifodalashda biz past simpledan foydalanamiz. Oddiy o'tgan zamonda ish-
harakatni bildiruvchi so'zga so'zning shakliga qarab ied/ed/d qo'shimcha harflari qo'shiladi,
irregular fe'llar esa qo'shimchasiz to'liq boshqa so'zga o'zgaradi. Oddiy o'tgan zamon fe'lida "To
be" fe'li ishlatilmaydi.