Raximova Hurriyat Obidovna

Raximova Hurriyat Obidovna

TEXNOLOGIYA FANI DARSLARINI O‘TISHDA FOYDALANILADIGAN INNOVATSION G‘OYALAR
(Original g‘oya asosida ishlab chiqilgan tavsiyalar to‘plami)

BUXORO-2021

Buxoro viloyat xalq ta’limi boshqarmasi o‘quv-tarbiya jarayonini metodik ta’minlash kichik guruhi

Tuzuvchi:H. Raximova

Vobkent tuman xalq ta’limi bo‘limiga qarashli 10-umumiy o‘rta ta’lim maktabi texnologoiya fani o‘qituvchisi.

Taqrizchilar:

J. Jalolov- Vobkent tuman xalq ta’limi bo‘limi metodisti.

N. Barotova- Buxoro viloyati xalq ta’limi boshqarmasi metodisti.

D. A. Sayfullayeva- Buxoro Davlat Universiteti Texnologik ta’lim kafedrasi dotsenti, Pedagogika fanlari nomzodi

Buxoro viloyat Vobkent tumani xalq ta’limi bo‘limiga qarashli 10-umumiy o‘rta ta’lim maktabi texnologiya fani o‘qituvchisi Raximova Hurriyat Obidovnaning ish tajribasi o‘rganib chiqildi va ushbu dars ishlanma viloyat xalq ta’limi boshqarmasi o‘quv – tarbiya jarayonini metodik ta’minlash kichik guruhi metodik kengashining 2020-yil, 30-dekabrdagi 2-sonli qaroriga asosan chop etishga tavsiya etilgan.

KIRISH

O‘zbekiston Respublikasi inson huquqlari va erkinliklariga rioya etilishini, jamiyatning yangilanishini, ijtimoiy yo‘naltirilgan bozor iqtisodiyotini shakllantirishni, jahon hamjamiyatiga qo‘shilishini ta’minlaydigan demokratik xususiy davlat va ochiq fuqarolik jamiyati qurmoqda.

Inson, uning har tomonlama uyg‘un kamol topishi va farovonligi, shaxs manfaatlarini ro‘yobga chiqarishning sharoitlarini va ta’sirchan mexanizmlarini yaratish, eskirgan tafakkur va ijtimoiy xulq-atvorning andozalarini o‘zgartirish respublikada amalga oshirilayotgan islohotlarning asosiy maqsadi va harakatlantiruvchi kuchidir. Xalqning boy intellektual merosi va umumbashariy qadriyatlar asosida, zamonaviy madaniyat, iqtisodiyot, fan, texnika va texnologiyalarning yutuqlari asosida kadrlar tayyorlashning mukammal tizimini shakllantirish O‘zbekiston taraqqiyotining muhim shartidir.
Texnologiya fani o‘qituvchisi oliy ta’lim muassasasida pedagogika, psixologiya, umumkasbiy hamda maxsus fanlardan olgan bilim va ko‘nikmalarini amalga tadbiq etishda umumiy o‘rta ta’lim maktabi o‘quvchilarida umummehnat, kasb tanlashga yo‘llash va umumkasbiy bilim va ko‘nikmalarni shakllantirishning metodlari, dars berishning shart-sharoitlari, tashkiliy shakllari hamda metodlari, shuningdek, o‘quvchilarda kasblarga oid bilim berish ko‘nikish, moslashish, tanlash, kasbni shakkllantirish yoki boshqa kasbni tanlash, tashkiliy shakllari hamda vositalari, shuningdek, ularga oid rejalashtiruvchi hujjatlar mazmuni bilan tanishtirish ishlarini olib borishi lozim.
Shuningdek, pedagogik-psixologik bilimlarni o‘quvchilarda umummehnat, kasb tanlashga yo‘llash va umumkasbiy ko‘nikma
va malakalarni shakllantirish jarayonida tadbiq etishi; pedagogik-psixologik bilimlar, bevosita tanlangan sohalarga va yangi pedagogik, axborot texnologiyalari asosida metodik muammolarni hal etishi; maktablarda texnologiya fani , kasb tanlashga yo‘llash darslarini o‘qitishni tashkil etish hamda uni amalga oshirishdan iborat .
O‘quvchilarni texnologiya fanida kasb tanlashga yo‘llash
jarayonida ishlab chiqarish bilan bog‘liq bo‘lgan barcha sohalar, ularda qo‘llaniladigan texnologik jarayonlar hamda ishlab
chiqarish munosabatlari to‘g'risida to‘liq tassavurga ega bo‘ladilar. Umumiy o‘rta ta'lim maktablarida o‘quvchilarni texnologiya fani, kasb tanlashga yo‘llash tarkibida kasbga yo‘naltirish ularning zamonaviy va milliy kasb - hunarlarni o‘zaro uyg'unligini ta'minlagan holda bilim, ko‘nikma,
malakalarni egallashlarini ta'minlaydi. Kasb tanlashga yo‘llash va kasbga yo‘naltirish ishlarini xalq xo‘jaligi tarmoqlari istiqbolini hamda kasb-hunar maktablari sohalashtirilganligini hisobga olgan holda bajarishiga xizmat qiladi.