Ращим щасанов

Багет-расм, суврат кабиларни солишга мўлжалланган мослама.
Бадиий кўргазма-деганда тасвирий, амалий, меъморчилик санъат асарлари ёки лойхаларни оммага намойиши тушунилади. Улар музей, галерея, санъат саройлари ва марказларида ўтказилади. Кўргазма бир ёки бир неча муаллифнинг тасвирий санъат айрим тур ёки жанрлари бўйича ҳам ўтказилади. Улар даврий ёки доимий ва кўчма тарзда ўтказилиши мумкин. Бадиий кўргазма халқаро, минтақавий, миллий турлари ҳам бор. Бадиий кўргазмада баъзи биргина асар қўйилиши холлари ҳам бўлган. Масалан, кўп йиллардан буён Леонардо да Винчининг “Монна Лиза Жоконда” номли асрининг бир ўзи кўчма кўргазмада намойиши этилган.
Бадиий академия-бу ном билан асосан рассом, ҳайкалтарош, меъморлар тайёрланадиган олий ўқув юртлари аталади. Шунингдек бу ном билан нафақат санъатга балки уларда раҳбарлик қиладиган, ташкилий ишларни олиб борадиган давлат муассасалари ҳам юритилади. Масалан, Ўзбекистон бадиий академияси.
Барикарам-ранг номи, карам баргининг ранги.
Батал жанри-ҳарбий мавзуни акс этдирувчи тасвирий санъат жанри. У тарихий жанрнинг бир тури сифатида қаралиши ҳам мумкин.
Баталист-ҳарбийлар ҳаёти ва жанг лавҳаларини тасвирлайдиган рассомларга қўйиладиган касбий ном.
Бинафша-ранг номи, гунафша гулининг ранги.
Блик-нарса ва тасвирларнинг энг ёруғ ялтироқ жойи.
Бош безак-китобларнинг ички безаги, китоб варағининг энг тепа қисмида бериладиган тасвир. Улар расмли ёки, нақшли бўлиши мумкин.
Бронза-мис, қалай, алюминий, бериллий, қўрғошин кабилар аралашмасидан ҳосил бўлган қотишма. У алюмин, кул рангига яқин бўлади.
Бучарда-хайкалтарошнинг тош тарошлаш иш асбоби.
Бўёқ-тасвирий санъатда, шунингдек бадий-безак ишларида ишлатиладиган қоришма. Унинг мой бўёқ, акварел, гуашь, темпера, эмал, эмулсия каби турлари бор.
Бъенале-икки йилда бир марта бўладиган кўргазма номи.
Бюст-французча сўз бўлиб, қабр устига қўйиладиган хайкал маъносини англатади. У одамни кўкрагидан юқори қисмини тасвирлайдиган хайкал ҳисобланади.