Ращим щасанов

Алла прима-хўлланган қоғоз устида аквварел буёқ билан тезда расм ишлаш усули.
Анимал жанр-ҳайвонот дунёсини, жониворларни тасвирловчи тасвирий санъат жанри.
Анималист-ҳайвонларни тасвирловчи рассом, хайкалтарош.
Антик санъат-қадимги деган маънони билдиради. Бунда тараққий этган қадимги Юнон, Рим санъати назарда тутилган.
Аппликация-лотинча ёпиштириш маъносини англатади. Мазкур тасвирлаш техникаси табиий (барг, тош, мева-сабзовотларнинг уруғ ва пўчоқлари), бадиий (рангли, фольга қоғозлар в.б.), ва ташландиқ (газмол парчалари, дори-дармондан, хўжаликда ишлатилиб бўшаган нарсалар в.б.) материаллар ёрдамида текислик устида бажариладиган тасвирлаш усули.
Асосий ранглар-қизил, сариқ, зангори ранглар шундай деб аталади. Бу рангларни бир-бирлари билан аралаштииб бошқа кўп ранглар олинади.
Ассиметрия-юнон тилидан олинган бўлиб, “симметрик эмас” деган маънони англатади. Тасвирий санъатда асардаги деталларни, сувратни чап ва ўнг ёки юқори ва пастки томонларидаги тенглик, ўхшашлик аломатларининг йўқлиги ассиметрия ҳисобланади.
Афсонавий жанр-халқ оғзаки ижоди асосида тасвирий санъат намуналарини акс этдирувчи жанр. Бундай жанрда яратилган тасвирлар афсонавий одам ва маҳлуқлар (хайвонлар) бўлиб, хақиқатда улар бўлмайди. Масалан дев, аждар, кентавр, русалка, пегас, путти грифон, ва бошқалар шулар жумласидандир. Афсонавий жанрда яратилган ишларнинг кўпчилиги рангтасвир ва хайкалтарошликда учрайди.
Ахзар-ранг номи, медицинада ишлатиладиган зеленканинг ранги.
Ахроматик ранглар-юнон тилидан олинган бўлиб, рангсиз деган маънони англатади. Улар оқ, қора, кулранг ва уларнинг аралашмасидан ҳосил бўлган туслардир.


Б
Бадиий анъана-қадимдан инсон фаолиятининг адабиёт, санъат каби соҳаларида эришилган ва сақланиб қолинган илғор ютуқлар ва тажрибалар.
Барелъеф-французча паст рельф маъносини англатади. Хайкалтарошликда ишлатиладиган рельф атамасининг бир тури. Рельфнинг бу турида тасвир текислик юзасидан унинг хақиқий ўлчовининг ярмидан кам нисбатида бўртиб чиққан бўлади. Масалан танга, медал в.б. бунга мисол бўла олди.