Ращим щасанов

З
Зарҳал-ранг, номи, тилласимон ранг.
Зарғалдоқ- ранг номи апаельсин, мандарин ёки қовоқнинг ички рангига ўхшаш ранг.
Зангори-ранг номи, тўқ осмон ранги.
Зафарон-ранг номи, тўқ сариқ ранг.
Зирхал ҳарф-китобларнинг боб ва фаслларининг матн қисмидаги безакли ва йирик қилиб ишланадиган биринчи ҳарфи.
Зумрад-ранг номи, яшил ялтироқ тош рангига яқин ранг.


И


Иллюстрация-лотинча кўргазмали тасвирлаш, ёритиш маъносини англатади. Улар оқ-қора ёки рангли расм, суврат, схема, жадвал, диограмма шаклида бўлиб, китоб, журнал, газеталарнинг мазмунини осон ва тез идрок этишга ёрдам беради.
Илиқ ранглар-кишиларда илиқлик (иссиқлик) хисларини уйғотувчи ранглар. Улар қизил, сариқ, зарғалдоқ, малла, новвоти, қирмизи, пушти, шингаб, сабза, садаф, лоларўй, гулгун, норанваш, сомоний, барикарам каби ранглардир.
Импрессионизм-франзузча таассурот маъносини англатади ва у ХIХ аср охири ХХ аср бошларида Францияда шаклланган. Бу оқимдаги санъат асарларида рассомлар ҳаётдаги мураккаб жараёнларни тез, осон идрок этадиган қилиб, тасвирлашга ҳаракат қилдилар. Ҳаётдаги реал борлиқни ҳаракатда ва ўзгарувчанликда, ҳаётдаги энг ҳарактерли дақиқаларни реал, ҳақиқатда қандай бўлса шундай тасвирлаганлар. Уларнинг асарларига суврат деталларининг мувозанатда бўлмаслиги, композицияни бирнеча бўлакларга бўлиниши хос.
Интерьер-тасвирий санъат ва меъморчилик, амалий санъатда бинонинг ички қисми кўринишини билдиради.
К
Карикатура-италиянча сўз бўлиб, бўртириб тасвирлаш маъносини англатади. Бундай хажвий расмларда ижтимоий, сиёсий, маиший мавзудаги мазмунлар акс этади. Карикатура мавзусидаги расмларда айрим воқеа ва шахслар танқид қилинади, кишилар устидан кулинади. Айрим холларда унда баъзи кишилар дўстона-хажвий тарзда ифодаланиши ҳам мумкин. Карикатура жамиятда рўй бераётган хўжасизлик, исрофгарчилик, порахўрлик, лаганбардорлик, ичкиликбозлик каби салбий иллатларга қарши курашда катта рол ўйнайди.