Raqamli texnikaga kirish va avtomatika asoslari

3.2– rasm. Kuchaytirgichning faza-chastota harakteristikasi
Ish nuqtasining kirish harakteristikasida qanday joylashishiga qarab kuchaytirgichlar A, V, va AV rejimlarda ishlashi mumkin. 3.3-rasmda kuchaytirgichning ish rejimlariga oid grafiklar ko`rsatilgan. A rejimda, asosan, boshlang’ich kuchaytirish kaskadlari ishlaydi. Bu rejimda ishlaydigan kaskadning bazaga berilgan siljish kuchlanishi (U<sub>beo</sub>) ish nuqtasining dinamik o`tish harakteristikasi chiziqli qismining o`rtasida joylashishini ta’minlab beradi.
Bundan tashqari, kirish signalining amplitudasi siljish kuchlanishidan kichik (U<sub>kir</sub>U<sub>beo</sub>) bo`lishi va boshlang’ich kollektor toki I_ko chiqish toki o`zgaruvchan ‘tashkil etuvchisining amplitudasidan katta yoki tengligi (I<sub>ko</sub> I<sub>kt</sub>) shartiga amal qilinadi. Natijada kaskadning kirishiga sinusoidal kuchlanish berilganda chiqish zanjiridagi tok ham sinusoidal qoida bo`yicha o`zgaradi. A rejimda signalning chiziqli bo`lmagan buzilishlari eng kam bo`ladi. Ammo kuchaytirgich kaskadining mazkur rejimdagi foydali ish koeffitsiyenti 20-30% dan oshmaydi.
V rejimda ish nuqtasi shunday tanlanganki, bunda osoyishtalik toki nolga teng bo`ladi (I_ko=0). Kirish zanjiriga signal berilganda chiqish zanjiridan signal o`zgarish davrining faqat yarmidagina tok o`tadi. Chiqish toki impulslar shaklida bo`lib. ajratish burchagi bo`ladi. V rejimda chiziqli bo`lmagan buzilishlar ko`p bo`ladi. Lekin bu rejimda kaskadning FIK 60-70% ni ‘tashkil qiladi. Mazkur rejimda, asosan ikki taktli quvvatli kaskadlar ishlaydi.

3.3-rasm. Kuchaytirgichning ish rejimlariga oid grafiklar
AV rejimi A va V rejimlar oralig’idagi rejim bo`lib, chiqishda katta quvvat olish, shuningdek chiziqli bo`lmagan buzilishlarni kamaytirish maqsadida qo`llaniladi.
Bo`lim bo`yicha savollar
1. Kuchaytirgichlarning tarkibiga qanday elementlar kiradi ?
2. Kuchaytirish kaskadlari haqida tushuncha bering.
3. Umumiy bazali, umumiy emitterli, umumiy kollektorli ulanish
sxemalari haqida tushuncha bering.

4. 
   Kuchaytirgichlarning ishchi tavsifnomalari qanday ?
   
5. 
   Kuchaytirgichning faza-chastota harakteristikasi qanday ?