Радиоэлектроника асослари муҳаррир — Қ. Азимов

7.23-расм. Синхрон RS —триггернинг вақт диаграммаси.
ti моментда система «О» ҳолатда бўлади. «I» ҳолатга ўтиш t₂ моментда кузатилади, t₃ моментда у «I» ҳолатга қайта уланмайди, чунки схе­мада бу ҳолат мавжуд. t₄ вақт моментида киришларда R = S = 0 ҳолат бўлгани учун система ўз ҳолатини яна сақлайди. Триггернинг ҳолатининг ўзгариши t₅ моментга тўғри келадн, чунки бунда кириш S = 0, R = 1 манти­лий ҳолатга ўтади.
Синхрон триггерда ҳам кириш сигналининг рухсат этилмайдиган комбинацияси мавжуд: S = R = C = 1. Бунда ВА-ЙЎҚ элементларнинг тўғри мантиқ «О» бўлади (Q = 0).


в. Икки такт ли RS — триггер


Кўп ҳолларда триггернинг ҳолати синхронловчи им­пульс таъсири давомида эмас, балки у тугагандан ке­йин ўзгариши талаб қилинади. Бошқача айтганда ин­формация триггернинг чиқишида унинг киришларн ёпилгандан кейин пайдо бўлиши керак. Бундай қурилмага икки тактли RS — триггер мисол бўлади (7.24- расм).

7.24- расм. Икки тактли RS— триггер (а) ва унинг белгиси (б).


У иккита триггердан ташкил топади. Улардан бири бош (асосий) триггер бўлиб, етакчи вазифани бажаради. Иккинчиси эса, ёрдамчи тригер дейилади. Етак­чи импульслар ёрдамчи триггерга инвертор орқали берилади ва триггерларнинг навбат билан ишлашини таъминлайди. Бунда бош триггер тўлиқ ёпилгач, ёрдам­чи триггер очилиб, ишга тушиши керак. Уни тўлиқ амалга ошириш учун синхронловчи импульсларни ёр­дамчи триггерга узатиш занжирида қўшимча тескари (ёпиш) силжитиши ҳосил қилинади.


г. 1К — триггер


Бу триггер универсал бўлиб, RS — триггердаги ноаниқлик, яъни рухсат этилмайдиган кириш сигнал» ком­бинациям бўлмайди. Уни икки тактли RS — триггердан ҳосил қилиш мумкин. Бунинг учун асосий триггернинг S ва R киришлари қўшимча тармоққа эга бўлиши ва улар ёрдамчи триггернинг чиқишига қарама-қарши қилиб уланиши керак (7.25 а-расм).