Radio jurnaliSTİKA

V BÖLÜM
RADİO XƏBƏRİN HAZIRLANMASI / 
YAYIM JURNALİSTİ VƏ YA REPORTYOR

---

53
V BÖLÜM
RADİO XƏBƏRİN HAZIRLANMASI / 
SUB-REDAKTOR / XƏBƏRLƏRİN PRODÜSERI
wBəzi böyük radiostansiyaların bu vəzifədə çalışan 
əməkdaşı da olur. Onlar yalnız və yalnız newsroom 
daxilində çalışır. Onlar reportyor olmadıqlarından 
hadisə yerində olmaq onların işi deyil. Onların 
hazırladıqları xəbərlərin tərkibində hadisə yerindən 
səsyazmalardan istifadə edilə bilər, amma səs yazmaq 
üçün məsul deyillər. Ancaq süjet xəttinə uyğun 
gəlməsi üçün audiomaterialları montaj edə bilərlər. 
Sab-redaktorlar son materialın radionun hədəf 
kütləsinə və bazardakı yerinə uyğunluğunu təmin 
etməlidirlər. Efirdə səsləndiriləcək materialların 
qrammatik cəhətdən düzgünlüyünü, üslubunu 
yoxlayacaq şəxslər də onlardır. Bu vəzifənin olduğu 
radiostansiyalarda materialın efirdə səslənməsini 
təsdiqləyən son şəxs sab-redaktordur. İnformasiya 
agentliklərindən alınan quru faktları işləyib “ətə-cana” 
gətirən sab-redaktorlar informasiyanı quru, maraqsız 
və ya boz bir söz yığınından dinləyici üçün maraqlı 
hala gətirirlər. 
Sab-redaktorlar bütün komandanın koordinasiyasını 
təmin edib, hər kəsin öz materialı üçün məsuliyyət 
daşımasını aşılayır. Onları böyük bir komanda ilə 
öz dilində danışmağı bacaran diplomatlar olaraq da 
qəbul etmək olar. 
Reportyorların yazdığı mətnlərin son redaktəsi, 
orfoqrafik və qrammatik səhvlərin aradan 
qaldırılması, hazırlanan bütün materialların sayta 
yerləşdirilməsinə nəzarət onların işidir. Xəbərin və 
ya materialın konkret zaman kəsiyini əhatə etməsi 
üçün tələb edilən redaktə də çox vaxt onların üzərinə 
düşür. Ola bilər ki, reportyor materialı təhvil verib 
getsin və son anda efir üçün hazırlanan materialda 
dəyişikliklər aparılması tələb edilsin və ya son anda 
daxil olan informasiyanın efir üçün emalı gərək 
olduğunda bunun üçün jurnalist axtarılmır. Bu məhz 
sub-redaktorun işidir. 
Sub-redaktorlar eyni zamanda informasiyanın sayta 
uyğunlaşdırılmasını da təmin edirlər. Məsələn, 
radioda səslənən xəbərin tərkibindəki hər hansı 
statistikanın infoqrafika şəklinə salınması, press-
relizlərdən istifadə edərək informasiya hazırlanması, 
fotoların sayta uyğun ölçülərə gətirilməsinə məsul 
onlardır. 
Sub-redaktorlar ixtisaslaşmış və təhsilli jurnalistlərdir. 
Onlar yaxşı yaddaşa malik olmalı, əla kommunikator 
kimi çıxış etməli, öz işini yaxşı bilməli, əməksevər 
olmalı, komandada stress yaratmaqdan qaçmalıdırlar.