Рақамли илмий кенгаш андижон машинасозлик институти мухтаров махмуджон марифович

3-жадвал
Андижон вилояти тўқимачилик корхоналарида ишлаб чиқариш қувватидан фойдаланишни ифодаловчи кўрсаткичлар (фоиз)¹⁹.

№	Йиллар	“Skorton tekstil” МЧЖ	“Saxovat Teks” МЧЖ	"Xo'jaobod turon tekstil" МЧЖ
	2011 йил	92,3	80,1	69,2
	2015 йил	89,3	85,4	91,0
	2020 йил	89,4	91,2	88,1
	2021 йил	90,1	87,1	88,6

Ишлаб чиқариш қувватидан фойдаланиш даражаси пастлигига маҳсулотлар рақобатдордошлиги ҳам ўз таъсирини кўрсатмоқда. Кўриниб турибдики, саноат корхоналари натижалари ижобий томонга ўзгарган, лекин бу бугунги кундаги мавжуд ишлаб чиқариш имкониятлари ва бозор талаби учун етарли эмас. Бу ҳолатга хом ашё ресурслар ҳолати ва қайта ишлаш даражаси (2021 йили калава ипни тайёр маҳсулотгача қайта ишлаш даражаси 23 фоизни ташкил этган²⁰), ишлаб чиқариш қувватидан тўлиқ фойдаланилмаётганлиги (2020 йили Андижон вилоятидаги саноат корхоналари 62,6 фоиз, тўқимачилик корхоналари 77,0 фоиз 2021 йили саноат корхоналари 64,1 фоиз, тўқимачилик корхоналари 79,0 фоиз қувватдан фойдаланган²¹) ва саноат маҳсулотларига бўлган талабни тўлиқ қондирилмаслиги ўз таъсирини кўрсатмоқда.
Тўқимачилик корхоналарида мавжуд ишлаб чиқариш қувватидан фойдаланиш даражасига корхоналарнинг технологик самарадорлиги ўз таъсирини кўрсатган бўлиб, бунга бевосита мавжуд ишлаб чиқариш воситаларининг ҳолати ва янгиланиш даражаси ўз таъсирини кўрсатган (4-жадвалга қаранг).