Р. Холматов 2021 йил “ ” январь

8. Бошқарма ва ташкилот раҳбарлари бир ҳафта муддатда вилоят мактабгача таълим бошқармаси, вилоят Халқ таълими бошқармаси мисолида тайёрланган маънавий-маърифий ишларнинг янги тизимини яратиш бўйича Республика Маънавият ва маърифат Кенгаши томонидан ишлаб чиқилган “йўл харитаси” доирасида амалга ошириладиган ишлар намунаси асосида барча бошқарма ва ташкилотларда маънавий-маърифий ишларни ташкил этиш бўйича “йўл харитаси”ни ишлаб чиқиб, ижросини таъминласин.
9. Шаҳар ва туман ҳокимлари, бошқарма ва ташкилот раҳбарлари “йўл харитаси”да белгиланган вазифаларнинг ижроси бўйича ҳар ой якунида вилоят Маънавият ва маърифат кенгашига ахборот киритиб борсин.
10. Республика Маънавият ва маърифат маркази вилоят бўлими (С.Файзиева) бир ҳафта муддатда шаҳар ва туман ҳокимликлари, бошқарма ва ташкилот раҳбарлари билан биргаликда жойларда маънавий-маърифий ишларнинг ҳолатини ўрганиш бўйича режа-жадвал ишлаб чиқсин ва амалга оширсин.
11. Вилоят ҳокимининг ўринбосари (А.Умаралиев), Республика Маънавият ва маърифат маркази вилоят бўлими томонидан
2021 йил 1 мартдан бошлаб ҳар ойда Маънавият ва маърифат кенгашига шаҳар ва туманлардаги маънавий-маърифий ишлар ҳолати тўғрисида танқидий-таҳлилий ҳисоботлар киритиб борсин.
12. Вилоят Халқ таълими бошқармаси (С.Қодиров)га 2021 йил февраль ойидан бошлаб умумий ўрта таълим муассасалари директорларининг маънавий-маърифий ишлар бўйича ўринбосарларини шаҳар ва туман маънавият-маърифат маркази тавсиясига асосан лавозимга тайинлаш амалиёти йўлга қўйилганлиги кўрсатиб ўтилсин.

13. Вилоят Халқ таълими бошқармаси (С.Қодиров), Республика Маънавият ва маърифат маркази вилоят бўлими (С.Файзиева) билан биргаликда 2020/2021 ўқув йилидан бошлаб умумий ўрта таълим муассасалари директорларининг маънавий-маърифий ишлар бўйича ўринбосарларининг ўқув йили якуни бўйича шаҳар ва туман маънавият-маърифат кенгашига ҳисобот бериши ва натижасига кўра уларнинг фаолиятига баҳо бериб борилишини таъминласин.

14. Вилоят ҳокимининг биринчи ўринбосари (М.Файзиев), вилоят Молия бош бошқармаси (О.Халикулов), шаҳар ва туман ҳокимликлари билан биргаликда Республика маънавият ва маърифат маркази вилоят бўлимига қўшимча 2 тадан, аҳоли сони 200 мингдан ортиқ бўлган шаҳар ва туман бўлинмаларига 2 тадан, аҳолиси 200 мингдан кам бўлган шаҳар ва туман бўлинмаларига 1 тадан қўшимча штат бирлиги ажратиш чораларини кўрсин.