Р. Холматов 2021 йил “ ” январь

15. Вилоят ҳокимининг ўринбосари (А.Умаралиев), Республика маънавият ва маърифат маркази вилоят бўлими (С.Файзиева) билан биргаликда Республика ташкилий қўмитаси талаби асосида “Энг намунали туман” кўрик-танловида иштирок этиш учун 1 дона туманни Республика Маънавият ва маърифат кенгашига тавсия этиш юзасидан таклиф киритсин.
16. Вилоят ҳокимининг ўринбосари (А.Умаралиев), Республика маънавият ва маърифат маркази вилоят бўлими (С.Файзиева), шаҳар ва туман ҳокимликлари билан биргаликда 2021 йил март ойидан бошлаб барча бошқарма ва ташкилотларда режа-жадвал асосида "Маърифат соати"ни ўтказилишини йўлга қўйсин.
17. Вилоят ҳокимининг ўринбосари, Маҳалла ва оилани қўллаб-қувватлаш бошқармаси (И.Худайбергенов), Ёшлар ишлари агентлиги вилоят бошқармаси (З.Миргазиева), Республика Маънавият ва маърифат маркази вилоят бўлими (С.Файзиева) ҳамда шаҳар ва туман ҳокимликлари билан биргаликда 2021 йил март ойидан бошлаб “Ҳар бир нуроний - беш нафар ёшга мураббий” тамойили асосида ҳар бир маҳалладан 5 нафардан тарбияси оғир, маънавий кўмакка мухтож, уюшмаган, ишсиз ёшларни 1 нафар нуронийга бириктириш чораларини кўрсин.
18. Олий таълим муассасалари (Б.Сулаймонов, Ғ.Муҳамедов, М.Болтабаев, А.Самадов, Ф.Умаров), вилоят ҳокимининг ўринбосари, Маҳалла ва оилани қўллаб-қувватлаш бошқармаси (И.Худайбергенов), Республика Маънавият ва маърифат маркази вилоят бўлими (С.Файзиева) ҳамда шаҳар ва туман ҳокимликлари билан билан биргаликда бир ой муддатда “Бир зиёли - бир маҳаллага маънавий ҳомий” тамойили асосида ҳар бир маҳаллага профессор-ўқитувчилар, ёзувчи, шоир, таниқли санъаткор ва зиёлиларни бириктириб, маънавий-маърифий, тарғибот ишларини “маҳаллабай” тарзда ташкил қилсин.
19. Олий таълим муассасалари (Б.Сулаймонов, Ғ.Муҳамедов, М.Болтабаев, А.Самадов, Ф.Умаров), вилоят маданият бошқармаси (А.Мирзаев) шаҳар ва туман ҳокимликлари билан биргаликда бир ҳафта муддатда талабаларни театр, кинотеатр, музейларга жалб этиш бўйича чора-тадбирлар режасини ишлаб чиқиб, жорий йилнинг февраль ойидан олий ўқув юртлари кесимида тузилган режа-жадвал асосида амалга оширсин.