Р. А. Ашуров педагогика назарияси “ фан “ Ўзбекистон республикаси халқ таълими вазирлиги

Ёш авлодни тарбиялашнинг
мақсад ва вазифаси.

1. 
   Комил инсон тарбиясининг мақсад ва вазифаси
   
2. 
   Тарбиянинг таркибий қисмлари ва уларнинг қисқача тафсилоти
   
3. 
   Комил инсонни тарбиялаш соҳасидаги долзарб муаммолар
   

Ёш авлодни тарбиялаш мақсади ва вазифалари бирор шахснинг субьектив мулоҳазаси билан ўз-ўзидан белгиланмайди, балки ижтимоий шароит ҳамда ижтимоий тараққиёт тенденциялари билан белгиланади. Бу нарса турли тарихий даврда тарбиянинг йўналиши, энг муҳим характерли хусусиятлари қандай бўлганлигидан кўриниб турибди.

Комил инсон тарбиясининг асосий мақсади-инсони ҳар томонлама камол топтириш, маънавий бойликни ахлоқий покликни, жисмоний камолотни ва сиёсий - ғоявий теранликни ўзида мужассамлантирган янги авлодни тарбиялашдан иборатдир. Тараққиётнинг ҳозирги босқичида Республикамиз мактабларидаги тарбия ва таълимнинг асосий вазифалари Президентимиз И.А.Каримовнинг фармонларида, асар ва нутқларида. шунингдек, ҳукуматимизнинг “Таълим тўғрисидаги Янги қонунда”, ҳамда “Кадрлар тайёрлаш миллий дастури” да аниқ қилиб белгилаб берилган. Республикамиздаги умумтаълим мактабларининг , академик лицейлар ва касб-ҳунар коллежларининг ҳозирги пайтдаги долзарб вазифалари-ўқувчиларга фан асослари юзасидан мустаҳкам билим беришдан, уларда юксак онглиликни таркиб топтиришдан , ҳаётга, ихтисосни онгли равишда танлаб олишга тайёрлашдан иборат.
Мактаб бутун тарбия ишини ҳаёт билан боғлаб, ўқувчиларни ижтимоий тараққиёт қонунларини тушуниши билан қуроллантириш, ўқувчиларнинг ўзбек халқининг ҳаётий ва меҳнат анъаналари асосида тарбиялаши, уларда она ватанни ҳимоя қилишга тайёр туриш руҳида, ҳар қандай диний экстремизм, реакцион оқимларга қарши кескин кураш олиб боришга тайёр жасур шахсларнин тарбиялаб вояга етказишни талаб этади. Зеро, Президентимиз таъкидлаганидек: “Бизга битирувчилар эмас, балки мактаб таълимини кўрган, юксак билимга эга бўлган кадрлар керак”.Умуминсоний тарбиянинг таркибий қисмлари ва улар ўртасидаги бағланиш инсоний тарбиянинг умумий жараёни ёки жисмоний-ахлоқий тарбияни, политехник, меҳнат, касб танлаш, маънавий-ахлоқий, эстетик, ҳуқуқий, байналминал, иқтисодий, миллий ифтихор ҳамда экологик тарбияларини ўз ичига олади. Тарбиянинг бу ҳамма таркибий қисмлари шахсни бир мақсадни кўзлаб таркиб топтиришдан иборат жонли жараёнда ўзаро боғланган бўлиб, бир-бирига чамбарчас қўшилиб кетади.