Quturish diagnostikasi, oldini olish va qarshi kurash chora-tadbirlari Oilasi, Rhabdoviridae Avlodi,Lussavirus

Agar gelidagi DPR.
Bu usul antigen va antitelolarning xususiyatiga asoslangan bo’lib antigen va antitelo agar gelida shimilib aralashgandan so’ng (antigen kompleksi+antitelo) uchrashib ko’zga ko’rinarli pretsipitatsiya chizig’i hosil qiladi. Quturish kasalligining ko’cha virusi tufayli o’lgan yoki tajribadagi infeksiyadan (biologik namuna) o’lgan hayvonning miyasidan antigenni topish uchun qo’llaniladi.
Reaksiyani bajarishda buyum oynadan foydalaniladi va uning ustiga 1,5% eritilgan agardan 2,5-3ml quyiladi. Buym oynasining ustida agar qotgach, 4-5mm diamerda trafaret bo’yicha chuqurchalar yasaladi. Agar ustunchalari o’quv perosi yordamida chiqarib olinadi. Agardagi chuqurchalar sxema bo’yicha tuzilgan komponentlar bilan to’ldiriladi (65-rasm).


65-rasm.Quturish kasalligiga diagnoz qo’yishdagi DPR- ning tasviri.
A-bosh miya qobig’i (chap yarimshar); B-bosh miya qobig’i (o’ng yarimshar); C-ammon shoxi (chap); D-ammon shoxi (o’ng); E-miyacha; G-uzunchoq miya; 1,2,3,4,-globulinning suyultirilgani, 1:2,1:4,1:8,1:16.
O’ngda -1:4,1:8,1:16-PR suyultirilgan globulinning musbat ko’rinishi.
Yirik hayvonlar bosh miyasining barcha bo’limlari (chap va o’ng tamonlari) tekshiriladi, o’rta kattalikdagi (kalamush, xomyak va boshqa) miyaning har qanday uch bo’limi, sichqonlarda esa miyaning barcha qismi tekshirilib ko’riladi.
Pinset yordamida miyadan pastasimon massa tayyorlangach, tegishli chuqurchalarga quyib chiqiladi. Manfiy va musbat antigenlar bilan nazorat oynadagi o’sha trafaret bo’yicha alohida alohida qo’yiladi.
Agar geli: agar Difko agari-15g, natriy xlor-8,5g, 1% metil to’q sariqning 50%-etil spirtidagi eritmasi-10ml, mertiolyat-0,01g, distillangan suv-1000ml.
Chuqurchalar komponentlar bilan to’ldirilgach, preparatlar nam kameraga joylashtiriladi, yoki 37°C 6 soat davomida termostatga so’ngra xona haroratida 18 soat qo’yiladi. Natijalarni hisoblash 48 soatdan so’ng o’tkaziladi.Miya suspenziyasi va antirabik gamma­globulin oralig’idagi chuqurchalar atrofida 2-3 pretsipitatsiya chiziqlarining hosil bo’lishi reaksiyaning musbat ekanligidan dalolat beradi.
Miyaning bakterial steril emasligi yoki chirishi DPR qo’yish uchun to’siq bo’la olmaydi. Glitserin, formalin yoki boshqa vositalar bilan konservatsiyalangan materiallar DPR uchun yaroqsiz hisoblanadi.