Qushlar uchun shinam uy quramiz

Sana ____________________

Ta’limiy faoliyat : Elementar matematika

Mavzu: “Miqdoriy aloqalar o‘rnatishni o‘rgatish”

Maqsad:

• Bolalarning ko‘z bilan chamalash malakalarini rivojlantirish.

• Bolalarga buyumlarning kattaliklarini (balandligi va uzunligini) ko‘z bilan chamalash orqali farqlashni o‘rgatish.

Kerakli jihozlar:

• 
  Turli uzunlikdagi taxtachalar
  
• 
  Turli mashinalar
  
• 
  Turli uzunlikda lentalar
  

Faoliyatning borishi:

Defektolog: Bolajonlar, biz siz bilan oldingi mashg‘ulotlarda har xil ko‘priklar qurganmiz. Hozir o‘sha ko‘priklarni bir eslab ko‘ring. Ko‘priklarni nimalardan qurish mumkin? Taxtadan, temirdan, qurishimiz mumkin.Biz bugun sizlar bilan, taxtalar va qurilish materiallaridan ko‘prik quramiz. Buning uchun 2 tadan bo‘lib ishlaymiz. Hozir 2 tadan bo‘lib bo‘linish uchun mana bu ko‘priklarning rasmlarini olasiz. Kimlarning rasmidagi ko‘priklar bir xil bo‘lsa, ular birgalikda ko‘prik quradilar. Mana bolalar, 2 tadan bo‘lindingiz, endi o‘rtog‘ingiz bilan qanday ko‘prik qurishni kelishib oling va mana bu materiallardan o‘zingizga kerakligini ajratib oling. Men ko‘prik qurishda sizlarga yordam beradigan maslahatlarni beraman. Oldin ko‘prikning uzunligi va balandligi qancha bo‘lishini belgilab olasiz. Masalan, ko‘prikning uzunligini mana bu taxta uzunligida qilmoqchisiz. Buning uchun avvalo ko‘z bilan chamalab ko‘rasiz, qaysi taxtaning uzunligi qo‘limdagi taxtaning uzunligiga teng. Keyin qo‘limdagi taxtani chamalagan taxtamiz ustiga qo‘yib, o‘lchab ko‘ramiz. Ularning uzunligi teng ekan. Boshqa taxtalarni ham xuddi shu usulda o‘lchab ko‘rib ajratib olasiz. Ko‘prikning balandligini qurish uchun ham bitta taxtani belgilab olasiz va shu taxta uzunligida boshqa taxtalarni ko‘z bilan chamalab ko‘rasiz. To‘tri kelsa kerak, deb o‘ylagan taxtani qo‘lingizdagi taxtaning ustiga qo‘yib o‘lchaysiz. Ularning uzunligi teng ekan. Mana bunisi bilan o‘lchab ko‘ramiz. Bunisi ozgina kalta ekan, demak bu taxta to‘tri kelmaydi. Hamma taxtalarni ajratib olganingizdan keyin ko‘prik qurishni boshlaysiz. Hamma juftliklar ko‘priklarni quradilar va qilgan ishlarini izohlab beradilar.

Bolalar hammasi birgalikda qurilgan ko‘priklarni ko‘rib chiqadilar. So‘ng ko‘priklardan mashinalarni o‘tkazib o‘ynaydilar.