Qurilishda menejment

 
QISQA XULOSALAR 
 
Kichik biznes va tadbirkorlik korxonalarining ish faoliyati ularning moliyaviy 
faoliyati bilan chambarchas bog`liq. Moliyaviy holat korxonaning har tomonlama 
faoliyati natijalarini aks ettiradi. Korxonalar faoliyatining moliyaviy natijalarini 
ifodalovchi ko`rsatkichlardan asosiysi foyda hisoblanadi.
Kichik biznes va tadbirkorlikni kredit bilan ta‘minlash deganda, bu ularga pul 
yoki tovar shaklidagi vositalarni ma‘lum muddatga haq to`lash sharti bilan qarzga 
olish va qaytarib berish yuzasidan kelib chiqadigan munosabatlar tushuniladi. 
Kreditning quyidagi asosiy shakllari mavjud: tijorat krediti; bank krediti; iste‘mol 
krediti; davlat krediti va xalqaro kredit. Kreditlarning foiz stavkalari mamlakatning 
ssuda kapitallari bozorida aniqlanadi. Xalqaro kreditlarning foiz stavkalari esa jahon 
ssuda kapitallari bozorida aniqlanadi. Unga xalqaro moliya bozoridagi holatlar 
bevosita ta‘sir ko`rsatadi.
Bozor iqtisodiyoti sharoitida kichik biznes va xususiy tadbirkorlik 
korxonalarida 
samaradorlikni 
oshirishning 
asosiy 
yo`nalishlari 
quyidagilar 
hisoblanadi: ilg`or texnologiya va uskunalardar foydalanish; xomashyo va 
materiallarning yangi turlarini qo`llash; asosiy fondlardan unumli foydalanish; 
mehnatni tashkil etishning samarali usullarini qo`llash; xorij firmalarining ilg`or 
tajribalaridan foydalanish va h.k.
 

---

Nazorat uchun savollar 
 
1. Korxonalarning moliyaviy faoliyati natijalarini ifodalovchi ko`rsatkichlarini 
hisoblash yo`llarini tushuntirib bering.
2. Korxona foydasining nechta turi mavjud?
3. Korxona foydasi qanday aniqlanadi?
4. Korxonalarning moliyaviy xarajatlari qanday tasniflanadi?
5. Korxonaning o`z mablag`lari deganda nima tushuniladi?
6. Kredit qanday vazifalarni bajaradi va uning roli?
7. Kredit qanday turlarga bo`linadi?
8. Kreditning qanday shakllari mavjud?
9. Tijorat krediti deganda nimani tushunasiz?
10. Xalqaro kreditlar deganda nimani tushunasiz?
11. Kreditlarning foiz stavkasi qanday aniqlanadi?
12. Kreditlarning foiz stavkasi qanday omillar ta‘sirida o`zgaradi?
13.Kichik korxonalar faoliyati iqtisodiy samaradorligining mohiyati nimadan 
iborat?
14. Samaradorlikni aniqlashning qanday ko`rsatkichlarini bilasiz?
15.Nima uchun foyda eng muhim umumlashtiruvchi ko`rsatkich hisoblanadi?
16. Foydaning qanday turlari bor va ular qanday aniqlanadi?
17. Korxona rentabelligi qanday usullarda hisoblanadi?