Qurilishda marketing tushunchasi va mohiyati

7.1. Qurilishda marketingni rejalashtirishning mazmuni
Marketing rejasi - bu barcha xarajatlar, risklar va strategiyalarni e’tiborga olgan holda kompaniyaning uzoq muddatli maqsadlariga erishishga yoʻnaltirilgan kelajakdagi marketing faoliyati va hamkorlik aloqalarning bosqichlari tavsiflangan kompaniyaning dasturiy hujjatidir. Ko'p hollarda kompaniya egalari bunday rejaning samaradorligini, uni pul va vaqtni isrof qilish deb hisoblaydilar. Chunki kompaniya joriy davrda ishlab chiqarilgan mahsulot yoki xizmatlar sotiladi, mijozlar bor va hech qanday muammo yo‘q. Ammo bozor noaniq vaziyatlarga ega. Bunday vaziyatlarga iste’molchilarning didlari, hohish-istaklarining o‘zgarishi, fan-texnikaning taraqqiyoti asosida yangi innovatsion mahsulotlarning bozorga kirib kelishi, raqobatchilarning mavjudligi, mahsulotlarning diversifikatsiyalashuvi yoki modernizatsiyalashuvi kabi vaziyatli holatlarni keltirishimiz mumkin. Shuning uchun bunday noaniqlik vaziyatlarning mavjudligini inobatga olgan holda, har qanday korxona va tadbirkor sub’ektlar albatta marketing rejasini yaratishi va uni amalga oshirishi maqsadga muvofiq hisoblanadi.
Marketing rejasida mazkur vaziyatli holatlarning oldini olish uchun kompaniya imkoniyatlarini, kuchli va zaif tomonlarini tahlil qilish orqali istiqbolli chora-tadbirlar tuziladi.
Kompaniya biznes oqimida doimiy suzishni, raqobatchi kompaniyalar bilan raqobatlasha olishga imkoniyatlarni yaratishni, iste’molchilarni doimiy mijozlar bo‘lib qolishini va biznes hamkorlar bilan istiqbolli aloqalarni o‘rnatishni hohlasa, albatta marketing rejasini tuzadi va undan amaliyotda to‘liq foydalanadi.
7.1.1-jadval
MARKETING REJASINING AFZALLIKLARI VA KAMCHILIKLARI

MARKETING REJASINING
AFZALLIKLARI