Qurilish materiallari va konstruksiyalari

Yuvinish va hojat xonalari xonadonli turar joy binolarida uning klass qulayliklari bo’yicha sharoitlarining yaratilishidan kelib chiqib birgalikda yoki alohida holatda loyihalanishi mumkin.
Yuqoridagilardan tashqari xonadonli turar joy binolarni “yaxshilangan klassli” va “yuqori klass” qulaylikka ega bo’lgan tarzda loyihalashda, loyihalash talabi bo’yicha qo’shimcha xonalar sifatida mehmonxona, yemakxona, ish kabineti (kutubxona), bolalar xonasi (o’yin uchun), mashq qilish xonasi, billiard xonasi, xo’jalik omborxonasi va boshqalarni ham loyihalash mumkin.
Yuqoridagilar bilan bir qatorda xonadonli turar joy binolarini loyihalashda nogiron, kreslo aravachada yuradigan azolari bo’lgan oilalar uchun mo’ljallangan xonadonlarni loyihalash ishlariga alohida talablar qo’yiladiki, ushbu talablar 2.08.01-05 “TURAR JOY BINOLARI” ShNK ining maxsus bo’limlarida keltirib o’tilgandir.
Turar joy binolarining hajmiy-rejaviy ko’rsatkichlari bo’lib bino va inshootlarning quyidagi parametrlari xizmat qiladi: bino perimetri, binoning eni, binoning uzunligi, prolyot, qadam, balandlik, maydon, binoning hajmi va qavatlar soni.
Binoning perimetri –bu binoni ko’ndalang va bo’ylama yo’nalishda o’rab turgan tashqi o’rab turuvchi konstruksiyalari (devor) bo’ylab uning tashqi sirti uzunliklari bo’yicha aniqlangan o’lchamidir.
Binoning eni – bu binoni ko’ndalang tomonidan urab turuvchi konstruksiya (devor) ning tashqi sirti uzunligi bo’yicha aniqlangan o’lchamidir.
Binoning uzunligi – bu binoni bo’ylama tomonidan urab turuvchi konstruksiya (devor) ning tashqi sirti uzunligi bo’yicha aniqlangan o’lchamidir.
Prolyot – bu binoning bo’ylama yo’nalishdagi parallel ravishda joylashgan yuk ko’taruvchi konstruksiyalarining koordinatsion o’qlari orasidagi masofadir.
Qadam – bu binoning ko’ndalang yo’nalishdagi parallel ravishda joylashgan yuk ko’taruvchi konstruksiyalarining koordinatsion o’qlari orasidagi masofadir.
Bino va inshootlarni loyihalashda balandlik quyidagi ko’rinishlarda qarab chiqiladi: