Qurilish materiallari

Polivinilxlorid (PVX) vinilxloridni polimerizatsiyalab olinadi. Monomer (CH₂=CH cl) normal sharoitda efir hidli rangsiz gaz. PVX fizik-mexanik xossalari yuqori, suvga va agressiv muhitlarga chidamli.
PVX dan bir va ko'p qatlamli, asosli hamda asossiz (matoli va issiqlik izolatsiyasi) linoleumlar tayyorlanadi. U asosida gidroizo­latsiya va bezak buyumlar olinadi. PVX kislotalar, ishqorlar, benzin, spirt, moylarga bardoshli bo'lgani uchun turli diametrdagi suvsozlik, kanalizatsiya va texnologik quvurlar hamda asosida plintus, tutqich, sanitariya-texnika va issiqlik izolatsiya buyumlari tayyorlanadi.
Yuqori harorat ta'sirida mustahkamligining keskin pasayishi, uzoq muddat kuch ta'sirida deformatsiyalanishi va xlor birikmalari ajrab chiqishi polivinilxloridning kamchiligi hisoblanadi. Tarkibidan xlor birikmalari ajralib chiqishini bartaraf etish maqsadida polivinilxloridga ularni boglaydigan stabilizatorlar qo'shiladi.
Polipropilen. Propilen gazidan polimerizatsiyalash yo`li bilan olinadi − Н<sub>2</sub>С=СН-СН<sub>3</sub>. U polietilenga nisbatan yanada yengilroq, zichligi 900 kg/m<sup>3</sup>, issiqqa chidamliroq (170°C gacha), yog` va moylarga ham chidamli. Cho`zilishga mustahkamlik chegarasi 30-40 MPa. Dielektrik xossalari polietilenga o`xshash.
Polipropilendan polietilen kabi quvur, list va plyonka, elektr sim, mashina detallari va turli uskunalarni izolyatsiyalashda qo`llanadi. U nihoyatda istiqbolli plastik hisoblanadi, biroq polietilenga nisbatan narxi balandroq.
Polistirol stirol monomerini (C₅H₅∙CH=CH₂) polimerizatsiyalab olinadi. U hidsiz, fiziologik ziyonsiz, oddiy haroratda qattiq, shaffof material bo'ltb, 90% nurni o'tkazadi. Polistirol granula (6-10 mm), mayda va yirik kukun, biser (0,2% namlikda) holda ishlab chiqariladi. Polistirolning cho'zilishdagi mustahkamligi 35-60 MPa, siqilishdagi mustahkamligi 80-110 MPa. U suv muhitiga, konsentrlangan kislotalarga (azot va sirka kislotasidan tashqari), ishqor eritmalariga (40% konsentratsiyagacha) bardoshli, issiqqa bardoshli emas, mo'rt va yonuvchan. U asosida qoplama plitalar, qorish- malar, mastikalar, issiqlik izolatsiyasi materiallari olinadi, beton va boshqa g'ovak buyumlarni modifikatsiyalashda (shimdirishda) ishlatiladi.