Qurilish materiallari

Epoksidli polimerlar epixlorgidrin asosida organik sintez natijasida olinadi. Odatda, epoksid polimeri jigarrangli qovushqoq suyuqlik, u asosidagi kompozitsion materiallar agressiv muhitlarga chidamli, yuqori mustahkam, isiqqa bardoshliligi 100-150°C. Ular asosida pasta, mastika, qorishma va betonlar tayyorlanadi, yelimlari bilan metall, keramika, yog'och, shisha, beton va shu kabilar yelimlanadi.
Furanli polimerlar (furfurol-atsetonli monomer) furfurol va atseton polikondensatsion sintez qilib olinadi. Monomer to'q jigarrangli, o'tkir hidli suyuqlik, 15-25% benzolsulfokislota va shu kabilar kuchli kislotalar qo'shilganda qotadi. Furan polimeridan tayyorlangan kompozitsion materiallar (mastika, qorishma, beton va shu kabilar) konsentrlangan kislotalarga chidamli, ular kimyo sanoatida, mineral o'g'itlar saqlashda, maxsus inshootlar qurilishida ishlatiladi.
Poliefirli polimerlar ko'p asosli kislotalarni spirtlar bilan birga polikondensatsiyalab olinadi. Xomashyo zaxiralarining ko'pligi, nisbatan arzonligi, poliefir polimerlari asosidagi kompozitsion matenallarning sanitariya-gigiyena talablariga javob berishi ulardan shishaplastiklar, nur o'tkazuvchan va rangli bezak qoplamalari, sanitariya-texnika buyumlari (unitaz, vanna va shu kabi), fasad uchun lok va bo'yoqlar tayyorlash imkonini beradi. Poliefir qorishma va betonlari asosida sun'iy granit, marmar va boshqa bezak toshlar olinadi. Polimerlar nordonlashtiruvchi konsentrlangan kislotalarga, xlor suvli va boshqa agressiv qorishmalarga chidamli.
Poliamid polimerlari ikki asosli kislota va diaminlarni polikondensatsiyalab olinadi. Ular joylarda gidroizolatsiya qoplamalarida beton va qorishmalar uchun modifikator sifatida ishlatiladi.
Poliuretan polimerlari izotsionatlar va ko'p atomli spirtlar asosida sintez qilib olinadi. Poliefir turiga qarab yumshoq elastik va bikr poliuretan materially tayyorlanadi. Poliuretanlar betonga, asbosementga, ayniqsa metallarga adgeziyasi juda yuqori. Ular asosida kauchuklar, o'ta yengil yacheykali betonlar, issiqlik izolatsiyasi va akustik plastmassalar, metall qobiqli uch qatlamli yengil panellar va shu kabi buyumlar olinadi.