Qurilish materiallari

So'ndirilmagan kukun ohakni avvaldan so'ndirmasdan maxsus tegirmonda kukun holatga keltirib tayyorlanadi. Bu ohak asosidagi qurilish qorishmalari tez qotadi.
Ohak tarkibiga 90–150% suv kiritilganda ohak bevosita material ichida gidratlansa '(CaOH₂O) CaO ning gidratatsiya va kristallanish jarayonlari tezlashadi. Gidratatsiya jarayonida ajrab chiqqan issiqlik qurilish qorishmasi va betonning qotishini tezlashtiradi.
Uning tarkibiga kukun holatdagi mineral qo'shimchalar (shlaklar, kullar, ohaktosh va shu kabilar) qo'shiladi. Bu turdagi ohak bog'lovchisi tayyorlangandan keyin darhol ishlatilgani ma'qul, aks holda mahsulot havodan namni olib, bog'lovchilik xususiyatini yo'qotadi.
Ohak bog'lovchisining asosiy xossalari. Sifatiga qarab havoyi ohak sanoatda 3 xil navda ishlab chiqariladi (5.1-jadval). So'nish tezligiga nisbatan havoyi ohak tez so'nadigan (8 daqiqagacha), o'rtacha tezlikda so'nadigan (25 daqiqagacha) va sekin so'nadigan (25 daqiqadan ko'p) turlarga bo'linadi. To'yingan so'ndirilmagan ohakning maydalik darajasi №02 va №008 elaklardagi qoldiqlari bilan belgilanadi. Elaklardagi qoldiqlar 1,0 va 15% bo'lishi kerak. Uning to'kma zichligi 800–1200 kg/m³. Havoyi ohak mustahkamligi jihatidan mineral bog'Iovchilar o'rtasida eng pasti hisoblanadi. Ohak asosidagi qurilish qorishmalarinirg siqilishdagi mustahkam chegarasi, so'ndirilgan ohak ishlatilganda, 0,4–1,0 MPa bo'ladi. Shuning uchun havoyi ohak navlari mustahkamligi bo'yicha emas, balki uning tarkibiga nisbatan belgilanadi. Ohaktosh tarkibida tuproqsimon va boshqa qo'shimchalar kam bo'lsa, ohak aktivligi shuncha yuqori, so'nishi esa tez bo'ladi.
5.1-jadval
Havoyi ohakka qo'yilgan texnik talablar