Qurilish fakulteti

Ta’limga e’tibor

Hozirgi paytda Qoraqalpog‘istonda jami 1130 ta ta’lim muassasalari bo‘lib, ulardan 741 umumiy o‘rta ta’lim maktablari, shundan 1 tasi maxsus maktab, 3 tasi maxsus maktab-internatlari, 320 ta maktabgacha ta’lim muassasasi va 17 ta «Barkamol avlod» bolalar markazlari, 21 ta musiqa va san’at maktablari, 30 ta bolalar va o‘smirlar sport maktablari, 1 ta Respublika pedagog xodimlarni qayta tayyorlash va malakasini oshirish instituti faoliyat ko‘rsatmoqda.

— 2012 yilgi Investitsiya dasturi asosida respublikamiz bo‘yicha jami 21392 o‘quvchi o‘ringa mo‘ljallangan 37 ta maktabda, shu jumladan, 9 ta maktabda kapital rekonstruksiya qilish va 28 ta maktabda mukammal ta’mirlash ishlari olib borish rejalashtirilgan, — deydi Qoraqalpog‘iston Respublikasi Xalq ta’limi vazirligining davlat ta’limi standartlari monitoringi boshqarmasi boshlig‘i, Juginis Idiyatdinov. — Shuningdek, Bolalar sportini rivojlantirish jam­g‘armasining 2012 yilgi manzilli dasturiga asosan 10 ta ob’ekt kiritilgan bo‘lib, ishlar tasdiqlangan reja asosida amalga oshirilmoqda.

Prezidentimizning «Bolalar musiqa va san’at maktablarining moddiy-texnik bazasini mustahkamlash va ularing faoliyatini yanada yaxshilash bo‘yicha 2009-2014 yillarga mo‘ljallangan Davlat dasturi to‘g‘risida»gi qaroriga muvofiq, Qoraqalpog‘iston Respublikasida 9 milliard 401 million 427 ming so‘mlik qiymatga ega 12 ta musiqa maktabi qurildi. Xuddi shunday musiqa maktablari Xo‘jayli, Beruniy va Chimboy tumanlarida ham bunyod etilmoqda.