Qubla-batis Aziya

Qubla-batis Aziya.

Xalqinin sani boyinsha Turkiya, Iran, Awganstan, Iraq, Saudiya Arabstani mamleketleri jetekshilik etedi. Uliwma xalqinin 60 % ti awillarda jasaydi.

Subregionda, tiykarinan, neft (Persiya qoltigi mamleketleri, Turkiya, Azerbayjan, Armeniya), mashinasazliq (Turkiya, Iran, Gruziya, Azer- bayjan, Armeniya), metallurgiya (Turkiya, Iran, BAA) ham ximiya sanaatlari (Iran, Turkiya, Azerbayjan) rawajlanbaqta. Jenil ham aziq- awqat sanaati Qubla-batis Aziyanin barliq mamleketlerinde rawajlangan.

Awil xojaliginin jetekshi tarmagi diyqanshiliq bolip esaplanadi. Tiy- karinan, suwgarilatugin diyqanshiliq rawajlangan, paydalaniw ushin biyday, makke, arpa jetistiriledi. Orta teniz boyi mamleketlerinde paliz onimleri, miyweshilik, juzimgershilik rawajlangan bolip, olar menen bir qatarda zaytun jetistiriw ulken orin iyeleydi ham usi diyqanshiliq turi boyinsha poyas dunyada jetekshi orindi iyeleydi. Turkiyada paxtashiliq, temeki, citrus miywe, danshilik, Iranda qurma, citrus miyweler, qant lablebisi, paxta, Iraq, Siriya ham Izrailda paxta, temeki ham qurma jetistiriw rawajlangan. Sharwashiliqta Turkiya angor eshkilerin bagiwga, Arabiya yarim atawi mamleketleri tuyeshilikke, Iran ham Awganstanda qarakolshilikke qanigelesken. Xizmet korsetiw tarawlari arasinda transport ham turizm ulken salmaqqa iye.