Qozoqboy yoldoshev, valijon qodirov, jalolbek yoldoshbekov

TEMIR XOTIN
(jiddiy komediya)
Ishtirok etuvchilar:
Qo‘chqor — traktorchi
Alomat — robot
Olimjon — olim
Qumri — Qo‘chqorning xotini
Sharofat — qo‘shni ayol
Turobjon — Qo‘chqorning o‘g‘li
Birinchi sahna
Qishloqdagi oddiy, kamtarona hovli. To‘g‘rida bir necha ustunli peshayvon, o‘ngda pastakkina ko‘cha eshik, oldinroqda yog‘och karavot. Sahnadagi har jihoz, har bir buyumda nimadir yetishmaydi: eshikderaza romlarining yarmi bo‘yalgan, qol- ganining rangi o‘chib ketgan, yog‘och karavotning bitta oyog‘i yo‘q, ko‘rpa-yostiqlarga yamoq tushgan, piyolalarning labi uch- gan yoki chegalangan, choynakning jo‘mragiga tunuka kiygizil- gan va hokazo. Peshayvon ustuniga Qo‘chqor arqon bilan chan-
dib tashlangan, usti-boshi, aft-angori bir ahvolda. Shu ko‘yi uxlab qolgan bo‘lsa kerak, avval sekin qimirlab qo‘yadi, so‘ng ko‘zini ochmay esnaydi. Oyoq-qo‘lining o‘ziga bo‘ysinmayot- ganiga hayron bo‘lib, bir-ikki chiranib ko‘radi.
Qo‘chqor: — (Uy tomonga) Ho‘-o‘, tirikmisan?.. (Yana chiranib ko‘radi.) Yechib qo‘y darrov, ho‘!.. Qumri, deyapman! Jahlim chiqsa nima bo'lishini bilasan-a? (O‘zicha) lye, bir balo bo'lganmi bunga?.. (Baqirib) Oxirgi marta aytayapman: agar hozir yugurib kelib, qo'limni bo'shatmasang...