Qoraqalpoq davlat universiteti

Tayanch so‘zlar: mehribon, aqlli, shirinso‘z; o‘qish, yozish, rasm chizish; tartibli, ahil, do‘st, maslahat; o‘rgatmoq, bermoq.
3-mashq. Ustoz va o‘qituvchilar haqida berilgan maqollarning mazmunini sharhlang. Ulardan biriga maqola yoki insho yozing.


1. Ustoz otangday ulug‘. 2. Shogirdlar kamoli – ustozlar jamoli. 3. Shogirdsiz ustoz – mevasiz daraxt. 4. O‘qituvchi shogirdi bilan, bog‘bon mevalari bilan faxrlanadi.


Uyga vazifa
„Ustozlarim-faxrim mening” mavzusida monologik, dialogik va tavsifiy matn tuzib kelish
Mustaqil ta’lim yuzasidan topshiriq
Jadidchilik harakati namoyandalari


Adabiy o‘qish:
To'g'rilik (Abdulla Avloniy)

Bir kampirning uyida bir tup, balx tuti bor edi. Tut nihoyatda to'g'ri o'sgan edi. Bechora kampirning shul tutdan boshqa hech narsasi yo'q edi. Pishgan vaqtda qurutub olub, bordonga solub, boylarga tortuq qilub, pul olub, butun avqotini tut sotub o'tkazur edi. Bir kun ul shaharning podshohi bir ayvon solmoqchi bo'lub, ustun oxtarganda kampirning tuti to'g'ri keldi. Podshoh tutni ming oltunga sotub oldi. Bechora kampir boy xotun bo'lub qoldi. Bir kun tutni ko'rgali bordi. Ko'rdiki, tuti jannat kabi bir ayvon o'rtasinda turubdur. Kampir tutiga qarab dediki: Ey, tutim, to'g'riliging qildi bizi davlatga yor, Egri bo'lsang, san o'tun bo'lg'ay eding, man xor-zor. To'g'rilar jannatning ayvonindadur, O'g'rilar ranj-u alam konindadur.

12-mavzu. Matn tuzilishi va matn ustida ishlash
I. Og‘zaki nutq:
▲1- tоpshiriq.Mаtnni o‘qing.Hayot haqidagi falsafiy fikrlarni og‘zaki davom ettiring.


Hayot haqida o‘ylarim...


HAYOT… Shu oddiygina so‘z zamirida olam-olam ma’no mujassam. Insonlar taqdiri, o‘tmishi, bugunu va kelajagi… Bularning hammasi inson umri, hayotidir…
Erta tong otadi, kimdir ishga, kimdir o‘qishga, kimdir ro‘zg‘or tashvishi, yana kimdir… xullas, hamma hayot uchun jon kuydiradi, yuguradi-yeladi… Vaqt esa shamol singari zuv o‘tadi-ketadi, tong otadi-kun botadi… hayot esa davom etaveradi. Kimdir bugungi kundan umidvor, kimdir esa kelajagidan… Qisqasi hamma hayot uchun kurashmoqda. …..