Qon davlat pedagogika instituti jismoniy madaniyat fakulteti

QO’QON DAVLAT PEDAGOGIKA INSTITUTI
JISMONIY MADANIYAT FAKULTETI
201 - guruh talabasi
Muhammadjonov Asadbekning
JISMONIY MADANIYAT NAZARIYASI VA METODIKASI fanidan tayyorlagan
“Jismoniy tarbiya nazaryalari bo’yicha olib borilayotgan tadqiqot uslublari”
mavzusidagi
MUSTAQIL ISHI
Qabul qiluvchi: katta o’qituvchi Q.T.Arabboyev
QO’QON – 2022 y

Mavzu:Jismoniy tarbiya nazaryalari bo’yicha olib borilayotgan tadqiqot uslublari

Mavzu:Jismoniy tarbiya nazaryalari bo’yicha olib borilayotgan tadqiqot uslublari

Reja:

• Jismoniy madaniyat jarayonida ilmiy-tadqiqot
• Ilmiy tadqiqotning nazariy tahlil va umumlashtirish metodikasi
• Pedagogik kuzatish ilmiy tadqiqot metodi
• Ilmiy tadqiqotlarda tajriba(eksperiment) metodi
• Matematik hisoblash ilmiy tadqiqot uslubiyoti

1.Jismoniy madaniyat jarayonida ilmiy-tadqiqot
Jismoniy madaniyat jarayoning ilmiy tadqiqot ko’lamiga ko’ra sohaning falsafiy, pedagogik, sotsiologik, ijtimoiy-iqtisodiy, tarixiy, tibbiy, biologik va boshqa qator fanlariga oid muammolari bo’yicha olib borilishi bilan boshqa mutaxasislik fanlaridan ajralib turadi.
Barcha ilmiy fanlar kabi jismoniy madaniyat nazariyasi va metodikasi fanida ham ta’lim – tarbiya jarayonining ilmiy – tadqiqotlarini olib borishda qator ilmiy izlanish uslublaridan – nazariy tahlil va umumlashtirish, pedagogik kuzatish, eksperiment (tajriba) va matematik hisoblash, suhbat, intervyu, sotsiologik tadqiqotlar – tarbiya jarayonining turli muammolarini o’rganishda foydalaniladi.

Soha bo’yicha tadqiqotlar ko’lamining kengayishi, qo’shma fanlarning tadqiqot uslublari, ayniqsa, fiziologiya, antropologiya, bioximiya, psixologiya va ijyimoiy-tarixiy yo’nalishlarning izlanish uslublaridan foydalanish ehtiyojini yuzaga keltirmoqda. Qayd qilingan tadqiqot uslublaridan foydalanishga oid nazariy bilimlarga ega bo’lishdan avval ilmiy tadqiqot ishlarining xillari bilan tanishsak.
Ma’ruza – belgilangan, tanlangan, mavzuning dolzarbligi, o’rganilganligi, ilmiy-amaliy mohiyati va ahamiyati, xulosa, foydalanilgan adabiyotlar ro’yxatining ketma-ketligi tarzida yoziladi;
Referat – ilmiy-tadqiqot ishining dastlabki eng oddiy turi bo’lib, unda uni yozishga turtki bo’lgan izlanish muammosi jihatlari qisqacha yoritiladi. Ilmiy tadqiqotlarni boshlovchilar uchun referat o’ziga xos “kuchni sinab ko’rish”, tadqiqotlarni boshlash uchun “urinish”dir. Fikr doirasini kengaytirish, adabiyot materiallarini mustaqil tahlil qilish, umumlashtirish malakalarini shakllantiradi.