“Qomusiy olimlar merosida ta`lim-tarbiya masalalari”

Bitiruv malakaviy ishining maqsadi:
“Qomusiy olimlar merosida ta`lim-tarbiya masalalari” yoritilishini o’rganish va tahlil qilish.
Bitiruv malakaviy ishining vazifalari:

• qomusiy olimlar merosida ta`lim-tarbiya masalalari haqidagi fikrlarni o’rganish.
• qomusiy olimlar merosining ta’lim-tarbiya tizimiga tadbiqi etish shakl va vositalarini aniqlash.
• qomusiy olimlar merosidan foydalanish texnologiyalarini tahlil qilish va takomillashtirish.

Bitiruv malakaviy ishining predmeti:
Umumiy o`rta ta`lim maktabi o`quv jarayonida qomusiy olimlar merosidagi ta`lim-tarbiya masalalarining tadbiq etish jarayonini o`rganish.
Bitiruv malakaviy ishining ob’yekti:
Umumiy o`rta ta`lim maktabi o`quvchilari bilan (Qo`qon shahridagi 37-sonli umumiy o`rta ta`lim maktabi 5 “A”-sinf o`quvchilari) qomusiy olimlar merosini o`rganish jarayoni.
“Renessans” so‘zi fransuzcha “qayta tug‘ilish” degan maʼnoni anglatadi. Aniqrog‘i Markaziy Osiyo, Eron, Xitoy (9-12 va 15-asrlar), G‘arbiy Yevropada yuz bergan alohida madaniy va tafakkuriy taraqqiyot davri hisoblanadi.
Atama sifatida qaralganda mazmuni ancha keng: madaniyatda, ilm-fanda, sanʼatda, taʼlim-tarbiyada, umuman, jamiyat hayotida uzoq muddatli turg‘unlikdan keyin qayta jonlanib, tez rivojlanishni, ijtimoiy ong va qadriyatlar tizimi yangi sifat bosqichiga chiqishini bildiradi. Ilk bor atama Yevropada o‘rta asrlar mutaassibligidan keyin 15-16 asrlardagi rivojlanish davriga nisbatan qo‘llanilgan. Renessans atalmish mazkur ijtimoiy hodisa o‘zbek tilida Uyg‘onish davri deb talqin qilinadi.
Shvetsariyalik atoqli sharqshunos olim Adam Metsning 1909 yilda “Musulmon Renessansi” nomli fundamental asari chop etilgan. Shundan buyon Renessans faqat Yevropaga oid hodisa emasligi, uni Sharq xalqlari yevropaliklarga nisbatan oldinroq boshdan kechirgani to‘g‘risidagi qarashlar va tadqiqotlar paydo bo‘la boshladi.
Rossiyalik buyuk sharqshunos akademik N. N. Konrad Renessans 7-8 asrlarda Xitoyda boshlanib, 8 asrda Hindistonda davom etgani, undan 9-12 asrlarda islom mamlakatlarida davom etib, mo‘g‘ul istilosi tufayli ancha pasayib qolgan yuksalish Amir Temur va temuriylar davrida yana qayta gurkurab o‘sganini taʼkidlaydi.