Qo`l yozma huquqida

9- ilova
Mavzu: “O’zbek xalqi hech qachon hech kimga qaram bo’lmaydi” nomli bayram tadbiri ishlanmasi
Musiqa sadolari ostida bolalar zalga taklif qilinadi.
Tarbiyachi : Bolalar, O’zbekistonimiz qachon mustaqil bo’lgan ?
Tarbiyalanuvchi: O’zbekistonimiz 1991 yil 31 avgustda mustaqil bo’ldi. 1-sentyabr esa “Mustaqillik kuni” deb e’lon qilindi. O’zbekistonimiz o’z bayrog’i, tamg’asi, madhiyasi, pul birligi, pasporti, Konstitutsiyasiga ega bo’ldi.
Tarbiyachi : Bizning yurtboshimiz kim ?
Tarbiyalanuvchilarning javobi: Yurtboshimiz Shavkat Nuromonovich Mirziyaev.
Bayrog’i bor, gerbi bor,
Erksevar O’zbekiston.
Madhiyangni kuylayman,
Jonajon O’zbekiston.
O’zbekiston Respublikasi madhiyasi aytiladi.
O’zbekiston uzra hilpirar bayroq,
Tinchlik posponidir hamisha, har chog’.
Bayroqdagi moviy rang musaffo osmon,
Unga boshin egar har mo’min inson.
Qizil rang esa tomirdagi qon,
Yashil rang tabiatning yorqin timsoli.
Yarim oy, yulduzlar, musaffo osmon,
Kelajagi buyuk hur O’zbekiston.
Tamg’amizda tog’lar bor,
Daryolar bor, bog’lar bor.
O’ng tomoni paxtazor,
Chap tomoni bug’doyzor.
Chambarakka o’ralgan,
Vodiy uzra quyosh bor,
Hurligimizning ramzi,
Xumo degan qushi bor.
Tarbiyachi : Bolalar, Vatan bu nima?
Tarbiyalanuvchilarning javobi: Vatan – bu uyimiz, bog’chamiz, maktabimiz, kindik qoni to’kilgan joy, bu hamma-hammasi Vatandir.
Mustaqil zaminsan, ey, ona diyor,
Qadaming tekkan joy bo’ladi gulzor.
Sen mening hayotim, baxtu iqbolim,
Kelajagi buyuk O’zbekistonim.
O’lka ko’pdir dunyoda,
Bir-biridan ziyoda.
O’rtoqjonlar, do’stlarim,
Tinglang yurak so’zlarim.
Bir guliston deydilar,
O’zbekiston deydilar.
Toshkent uning poytaxti,
Do’stlikdan kulgan baxti.
Oy bo’lamiz, toy bo’lamiz,
Sho’xliklari soy bo’lamiz.
Amir Temur bobomizdek,
Botir hotamtoy bo’lamiz.
Oy bo’lamiz, toy bo’lamiz,
So’zi shirin toy bo’lamiz.
Yigitchalar Alpomishu,
Qizlar Barchinoy bo’lamiz.
Kichkintoy demang bizni,
Vatan deya yonamiz.
Xushyorgina chaqqonmiz,
Sodiq farzand bo’lamiz.
Bir, ikki, uch, to’rt,
Sanashni ham bilamiz.
To’rt muchchamiz soppa-sog’,
Sog’lom avlod bo’lamiz.
Madhiyang tilda,
Maqoming dilda.
Bayrog’ing qo’lda,
O’zbekistonim, O’zbekistonim.
Siz aytgan har bir joy,
Bitta bo’ston bo’ladi.
Hammasini qo’shganda,
O’zbekiston bo’ladi.