Qizil va qora indd

Imzosiz maktub

«Xonim,

Sizning barcha sarguzashtlaringiz menga ayon, bu ishlarga chek 

qo‘yishdan manfaatdor shaxslar esa, – ogohlantirib qo‘yilgan. Sizga 

nisbatan hali dilimdan butunlay o‘chib ketmagan his-tuyg‘ularga 

amal qilib, Sizga o‘sha yigitcha bilan bo‘lgan aloqangizni butkul uzib 

yuborishni taklif etaman. Agar siz oqilalik qilib, maslahatimga kirsan-

giz, u holda eringiz yaqinda olgan xabarni yolg‘on deb o‘ylaydi. Men 

ham unga yanglishayotganini isbotlab o‘tirmayman: bilib qo‘ying, 

Sizning siringiz mening qo‘limda, qarshimda tiz cho‘kmog‘ingiz 

darkor!  Mening  irodamga  bo‘ysunishingiz  lozim  bo‘lgan  fursat  

keldi».

Ushbu xatning so‘zlarini yopishtirib bo‘lishing bilanoq (janob 

direktorning gapirish uslubini tanidingmi?) darhol boqqa chiq, – men 

seni kutib olaman.

Men qishloqqa boraman va u yerdan g‘amgin bir qiyofada qay-

taman, men chindanam adoyi tamom bo‘lganga o‘xshayman. Yo 

Tangrim! Qanday ishga jur’at etayotganimni bir o‘ylab ko‘rgin-a, 

– yana bu mashmashaning hammasi faqat senga u yumaloq xat 

olgandek ko‘ringani uchun bo‘lyapti. Shunday qilib qutim o‘chgan 

holda go‘yo menga allaqanday notanish odam keltirib bergan 

mana shu maktubni erimga uzataman. Sen esa bolalar bilan katta 

o‘rmonning yo‘li bo‘ylab sayr qilgani jo‘na va peshinga qadar qay-

tib kelma. Yuqori qoyadan senga kaptarxonamiz yaqqol ko‘rinib 

turadi. Agar hammasi ko‘ngildagidek tugasa, men o‘sha yerga 

oq dastro‘mol osib qo‘yaman, aks holda esa u yerda hech nima  

bo‘lmaydi.

Xo‘sh, sening o‘zing-chi, noinsof, nahot yuraging senga sayrga 

jo‘nashdan oldin menga bir amallab sevishing haqida ikki og‘iz-

gina aytib qo‘yish lozimligini uqtirmayotgan bo‘lsa? Mayli, nima 

gap bo‘lganda ham bir narsadan ko‘ngling to‘q bo‘lsin – agar bir-

biri mizdan butunlay judo bo‘lsak, men sensiz bir kun ham yashay 

olmayman. Ah, men yaramas ona ekanman! Jonginam Jyulen, bu 

bema’ni so‘zlarni senga nima uchun yozayotganimni o‘zim ham 

bilmayman, men buni mutlaqo his etayotganim ham yo‘q, men 

sendan bo‘lak hech kim to‘g‘risida o‘ylay olmayman, o‘sha so‘zlarni 

ham meni koyimasliging uchungina yozdim. Hozir, sendan judo 

bo‘lishim mumkinligi haqida o‘ylar ekanman, munofiqlik qilishdan 

---

138

ne hojat? O‘zim sajda qiladigan odamga yolg‘on gapirishdan ko‘ra 

senga yovuz bo‘lib ko‘rinsam ko‘rina qolay. Men busiz ham umrimda 

juda ko‘p yolg‘on gapirdim. Hay mayli, nachora, agar mendan sovi-

gan bo‘lsang, seni kechiraman. Bu xatni ustidan o‘qib chiqishga ham 

vaqtim yo‘q. Rostini aytganda esa – sening quchog‘ingda o‘tkazgan 

o‘sha mas’ud kunlar uchun hatto hayotimni qurbon qilishga to‘g‘ri 

kelgan taqdirda ham bu hol menga arzimas bir narsa bo‘lib ko‘rinadi. 

O‘sha lazzatli kunlar menga ancha qimmatroqqa tushishini o‘zing 

yaxshi tushunasan».